(ខេត្តព្រៃវែង) នៅថ្ងៃអង្គារ៍ ១៣កើត ខែមាឃ ឆ្នាំជូត ទោស័ក ព.ស ២៥៦៤ ត្រូងនឹងថ្ងៃទី២៦ ខែមករា ឆ្នាំ២០២១ លោក ជា សុមេធី អភិបាលខេត្ត បានដឹកនាំសកម្មភាពសម្អាតបរិស្ថានក្នុងបរិវេណគល់ស្ពានលេខ១ និងផ្លូវក្រវ៉ាត់ក្រុងព្រៃវែង ដោយមានការចូលរួមយ៉ាងកុះករពីលោកអភិបាលរងខេត្ត នាយក/នាយករងរដ្ឋបាលសាលាខេត្ត កងកម្លាំងទាំងបី មន្ទីរសាធារណៈការ និងដឹកជញ្ជូន មន្ទីរបរិស្ថាន មន្ទីរពត៌មាន មន្ទីរអប់រំ យុវជន និងកីឡា ជាមួយលោកគ្រូ អ្នកគ្រូគរុសិស្ស និងសិស្សានុសិស្សផងដែរ។
សកម្មភាពនេះមានគោលបំណងជំរុញ និងលើកកម្ពស់កិច្ចគាំពារបរិស្ថានសំដៅធ្វើឲ្យទីក្រុង និងទីប្រជុំជនកាន់តែមានសោភ័ណភាពស្រស់បំព្រង គឺគ្មានសំរាមប្លាស្ទិកនៅតាមដងផ្លូវ តាមទីផ្សារ តាមទីប្រជុំជន តាមសួនច្បារ និងតាមទីសាធារណៈនានាក្នុងក្រុងព្រៃវែង ធានាបាននូវ សុខមាលភាពរបស់ប្រជាពលរដ្ឋឲ្យបានប្រសើរ។
យ៉ាងណាវិញទៀតសកម្មភាពនេះ គឺសម្រាប់ឆ្លុះបញ្ចាំង និងជាសារមួយជូនដល់មន្ត្រីរាជការ កងកម្លាំងប្រដាប់អាវុធ ព្រះសង្ឃ អាជីវករ សិស្សានុសិស្ស កម្មករ កម្មការនី និងប្រជាពលរដ្ឋទាំងអស់ ឱ្យចូលរួមសំអាតបរិស្ថានទាំងអស់គ្នា។
អនាម័យស្អាត បរិស្ថានស្អាត ទីក្រុងស្អាត ផ្ដើមចេញពីយើងទាំងអស់គ្នា🙏៕
