(ព្រះវិហារ) នារសៀល ថ្ងៃទី០ ៣ ខែកុម្ភៈឆ្នាំ២០២១លោក អ៊ុង វុទ្ធី អភិបាលរងខេត្ត តំណាងឯកឧត្តមប្រាក់សុវណ្ណ អភិបាលនៃគណៈអភិបាលខេត្តអញ្ជើញជាអធិបតីភាពក្នុងពិធីប្រកាសផ្លាស់ប្តូរនិងប្រគល់ភារកិច្ចប្រធានស្នាក់ការត្រួតពិនិត្យច្រកទ្វាព្រំដែនអន្តរជាតិអានសេះខេត្តព្រះវិហារ ដោយមានការចូលរួមពីលោកនាយករដ្ឋបាលសាលាខេត្ត ប្រធាន-សមាជិកក្រុមប្រឹក្សាស្រុកជាំក្សាន្ត អភិបាល-អភិបាលរងស្រុកជាំក្សាន្ត កងកម្លាំងទាំង បីក្នុងស្រុក មន្រ្តីរាជការសាលាស្រុក ព្រមទាំងមេឃុំ ស្មៀនឃុំជាច្រើនរូបនៅសាលាស្រុកជាំក្សាន្ត ខេត្តព្រះវិហារ
សូមបញ្ជាក់ថា យោងប្រកាសលេខ៤៩១៦ប្រក ចុះថ្ងៃទី៣១ ខែធ្នូ ឆ្នាំ២០២០របស់ក្រសួងមហាផ្ទៃ ស្តីពីការផ្លាស់ប្តូរ និងប្រគល់ភារកិច្ច ជូនលោក ចិន ខន្តី ប្រធានផ្នែកច្បាប់ និងស៊ើបអង្កេតនៃការិយាល័យប្រជាពលរដ្ឋសាលាខេត្តឲ្យទៅកាន់តំណែងជាប្រធានស្នាក់ការត្រួតពិនិត្យច្រកទ្វាព្រំដែនអន្តរជាតិ អានសេះ ខេត្តព្រះវិហារ។
