(កំពង់ចាម) ឯកឧត្តម ផាន អូន ប្រធានក្រុមការងារគណបក្សចុះជួយឃុំមៀន ស្រុកព្រៃឈរ និងក្រុមការងារចុះជួយឃុំមៀន នៅព្រឹកថ្ងៃសៅរ៍ ៩កើត ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២០ ខែកុម្ភៈ ឆ្នាំ២០២១ បានចូលរួមប្រជុំជាមួយគណៈកម្មាធិការគណបក្សមូលដ្ឋានឃុំមៀន ដើម្បីស្តាប់សភាពការណ៍ការងារអនុវត្តការងាររបស់គណបក្សឃុំ និងលើកទិសដៅបន្ត ដូចខាងក្រោម៖
-បន្តផ្សព្វផ្សាយជូនប្រជាពលរដ្ឋ និងដាស់តឿនបង្កើនការប្រុងប្រយ័ត្ន ជំរុញការចូលរួមដោយភ្ញាក់រលឹកអនុវត្តវិធានការរបស់ក្រសួងសុខាភិបាលពាក់ព័ន្ធជំងឺកូវីដ១៩។
-បន្តតាមដានការធ្វើបច្ចុប្បន្នភាពបញ្ជីរាយនាមសមាជិកបក្សរបស់គណៈកម្មាធិការគណបក្សមូលដ្ឋានឃុំមៀន ដោយបានណែនាំឱ្យក្រុមការងាររៀបចំឱ្យបានទាន់ពេលវេលា។
ក្នុងនោះដែរ ក្រុមការងារបានផ្តល់ថវិកាឧបត្ថម្ភដូចខាងក្រោម៖
-ឧបត្ថម្ភជូនស្ត្រីឆ្លងទន្លេ ចំនួន៧០នាក់ សរុបថវិកាចំណាយចំនួន ៧,០០០,០០០រៀល
-ឧបត្ថម្ភជូនគ្រួសារមរណៈភាព ចំនួន១២នាក់ សរុបថវិកាចំណាយចំនួន ១,២០០,០០០រៀល
-ឧបត្ថម្ភជូនក្រុមការងារមូលដ្ឋាន ចំណាយថវិកាចំនួន ៣០០,០០០រៀល។
សរុបថវិកាចំណាយអស់ចំនួន ៨,៥០០,០០០ រៀល។