(បាត់ដំបង) នៅរសៀលថ្ងៃទី ២៤ ខែ កុម្ភៈ ឆ្នាំ២០២១ នេះស្របតាមអនុសាសន៍ណែនាំដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានចាត់តាំងឱ្យផែនជំនាញនគរបាលសណ្តាប់ធ្នាប់សាធារណៈ នាំយកសម្ភារៈប្រេីប្រាស់និងគ្រឿងឧបភោគ បរិភោគ ទៅប្រគល់ជូនដល់កងកម្លាំងនគរបាលដែលកំពុងឈរជេីងសហការណ៍ជាមួយសមត្ថកិច្ចនិងអង្គភាពពាក់ព័ន្ធពិនិត្យមធ្យោបាយដឹកជញ្ជូននានាដែលកំពុងធ្វេីចរាចរណ៍ឆ្លងកាត់ក្នុងមូលដ្ឋានស្រុកចំនួន០៣គឺ ស្រុកសំពៅលូនស្រុកភ្នំព្រឹក និងស្រុកកំរៀងដែលមានចំនួន០៤គោលដៅត្រួតពិនិត្យ បង្ការទប់ស្កាត់ក្រែងមានករណីលួចលាក់ដឹកនាំពលករដែលវិលចូលមកពីប្រទេសថៃ ហេីយមិនបានធ្វេីចត្តាឡីសក្ត័ស្របតាមវិធានសុខាភិបាល ។
-សម្ភារៈនិងគ្រឿងឧបភោគបរិភោគដែលត្រូវបានប្រគល់ជូនមួយគោលដៅៗរួមមាន៖
-មីចំនួន១០កេសតូច
-ត្រីខកំប៉ុងចំនួន០១កេសធំ
-ស្រោមដៃនិងដំបងអគ្គិសនីសម្រាប់បញ្ជាចរាចរណ៍។ លោក ព្រំ ហន
