(កំពង់ចាម)បន្ទាប់ពីអញ្ជើញចុះពិនិត្យកងកម្លាំងនៅតាមបណ្តាគោលដៅព្រំប្រទល់រវាងខេត្ត ជាប់នឹងខេត្តកំពង់ចាម ក្នុងការអនុវត្តសេចក្តីសម្រេចរបស់រាជរដ្ឋាភិបាល ក្នុងការទប់ស្កាត់ការឆ្លងរាលដាលនៃជំងឺកូវីដ-១៩ នៅព្រឹកថ្ងៃទី១៦ ខែមេសា ឆ្នាំ២០២១ ឯកឧត្ដម អ៊ុន ចាន់ដា អភិបាល នៃគណៈអភិបាលខេត្តកំពង់ចាម អញ្ជើញចូលរួម រំលែកទុក្ខ និងគោរពវិញ្ញាណក្ខន្ធសព លោកវរសេនីយ៍ទោ មុំ ធន់ អធិការរងទទួលផែនការងារគ្រឿងញៀន នៃអធិការដ្ឋាននគរបាលស្រុកចំការលេី ដែលបានទទួលមរណភាពកាលពីវេលាម៉ោង០៤ ទៀបភ្លឺ ថ្ងៃទី១៦ ខែមេសា ឆ្នាំ២០២១ ដោយរោគាពាធ។
នៅក្នុងឱកាសនោះ ឯកឧត្ដមអភិបាលខេត្ត បានចូលបច្ច័យផ្ទាល់ខ្លួន ជូនដល់ក្រុមគ្រួសារនៃសព ដើម្បីចាត់ចែងធ្វើបុណ្យតាមគន្លងប្រពៃណីព្រះពុទ្ធសាសនា ស្ថិតនៅភូមិពែងមាសត្បូង ឃុំស្ពឺ ស្រុកចំការលេី ខេត្តកំពង់ចាម។