(បាត់ដំបង) ដោយដោយមានការចង្អុលបង្ហាញពីាញពីលោក ងួន រតនៈ អភិបាលនៃគណៈអភិបាលខេត្តបាត់ដំបង និង ជាប្រធានគណៈបញ្ជាការឯកភាពរដ្ឋបាលខេត្តបាត់ដំបង លោក ណុប ដារ៉ា អភិបាលរង នៃគណៈអភិបាលខេត្តបាត់ដំបង និងជាប្រធានគណៈកម្មការ ស្រាវជ្រាវ បង្ក្រាប ល្បែងស៊ីសង គ្រប់ប្រភេទនៅក្នុងខេត្តបាត់ដំបង និងមានការសម្របសម្រួលទៅលេីនីតិវិធីពីលោក គឺ ប៊ុណ្ណារ៉ា ព្រះរាជអាជ្ញានៃអយ្យការអមសាលាដំបូងខេត្តបាត់ដំបង លោក ឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង បានដាក់បទបញ្ជា ឲ្យ លោកវរសេនីយ៍ឯក មៀន ឡាួយ ស្នងការរង ដឹកនាំកម្លាំងក្រុមអន្តរាគមន៍ បង្ការ បង្ក្រាប ចុះប្រតិបត្តិការ បង្ក្រាបករណី ល្បែងស៊ីសង ( ភ្នាល់ទឹកភ្លៀង ) ០១ ករណី នៅថ្ងៃទី ១៨ ខែ ឧសភា ឆ្នាំ ២០២១ វេលាម៉ោង ១៥:៥៥ នាទី នៅចំណុចភូមិចំការសំរោង២ សង្កាត់ចំការសំរោង ក្រុងបាត់ដំបង ខេត្តបាត់ដំបង ។
នៅក្នុងការចុះបង្ក្រាបនេះដែរ កម្លាំងយេីងបានធ្វេីការនាំខ្លួន មេល្បែងភ្នាល់ទឹកភ្លៀង ចំនួន ០១ នាក់ និងជាម្ចាស់ទីតាំងចល័តលេងល្បែងភ្នាល់ទឹកភ្លៀង ឈ្មោះ ពេជ្រ សុធា ភេទប្រុស អាយុ ៤០ ឆ្នាំ មានទីលំនៅភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។
📍 វត្ថុតាងដកហូតរួមមាន ៖
- ឧបករណ៍កែច្នៃ សម្រាប់ ត្រងទឹកភ្លៀង ០១
- វិទ្យុទាក់ទងចំនួន ០៣ គ្រឿង
- រថយន្ត ម៉ាក TOYOTA RUSH ពណ៌ខ្មៅ ពាក់ស្លាកលេខ ភ្នំពេញ 2AY 1982 ០១ គ្រឿង
បច្ចុប្បន្នការិយាល័យជំនាញកំពុងតែធ្វេីការកសាងសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ។
