(កំពង់ចាម) នៅព្រឹកថ្ងៃទី២០ ខែឧសភា ឆ្នាំ ២០២១ ឯកឧត្តម អ៊ុន ចាន់ដា អភិបាលនៃគណ: អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ ឯកឧត្តម ខ្លូត ផន ប្រធានក្រុមប្រឹក្សាខេត្ត អមដោយថ្នាក់ដឹកនាំ មន្ត្រីរាជការសាលាខេត្ត កងកម្លាំងទាំងបី មន្ទីរ-អង្គភាពជុំវិញខេត្ត អាជ្អាជ្ញាធរស្រុក និងមន្ត្រីពាក់ព័ន្ធ បានអញ្ជើញចុះជួបសំណេះសំណាល សួរសុខទុក្ខ និងនាំយកអំណោយ មនុស្សធម៌របស់រដ្ឋបាលខេត្តកំពង់ចាម ផ្តល់ជូនដល់ក្រុមគ្រូពេទ្យនៃកងយោទ្ធពលខេមរភូមិន្ទ ចាក់វ៉ាក់សាំងកូវីដ-១៩ នៅមន្ទីរពេទ្យយោធភូមិភាគទី២ (7D) ស្ថិតក្នុងភូមិអំពិលក្រោម ឃុំអំពិល ស្រុកកំពង់សៀម ខេត្តកំពង់ចាម ។
ឆ្លៀតក្នុងនោះ ឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម បានផ្តល់ការលើកទឹកចិត្តដដល់ក្រុមគ្រូពេទ្យ នៃកងយយោធភូមិភាគទី២ ត្រូវចេះសាមគ្គីគ្នា ពួតដៃគ្នាក្នុងយុទ្ធនាការ បង្ការ និងទប់ស្កាត់ ពីវីរុសបម្លែងខ្លួនថ្មី កូវីដ-១៩ ដើម្បីកាត់ផ្តាច់ខ្សែចម្លងវីរុសដ៏កាចសាហាវនេះ បន្ទាប់ពីប្រមុខរាជរដ្ឋាភិបាលកម្ពុជា បានផ្តល់ឲ្យកងគ្រូពេទ្យ កងយោទ្ធពលខេមរភូមិន្ទ ចាក់វ៉ាក់សាំង ការពារកូវីដ-១៩ ជូនកងកម្លាំងប្រដាប់អាវុធ និងគ្រួសារយយោធិនក្នុងការបង្ការ និងការពារខ្លួនពីជំងឺមហាប្រល័យ កូវីដ១៩។
ប្រភព÷ចៅ វង្ស I.K.