(កំពង់ចាម) លោក ជំទាវ ញ្ញូង ចរិយា អ៊ុន ចាន់ដា ប្រធានកិត្តិយស សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តកំពង់ចាម នៅថ្ងៃទី ២ ខែកញ្ញា ឆ្នាំ២០២១ រួមជាមួយក្រុមការងារ បានអញ្ជេីញសួរសុខទុក្ខ និងនាំអំណោយផ្ដល់ជូនមន្ត្រីព័ត៌មានសាលាខេត្តកំពង់ចាម ក្រោយពេលសម្រាលកូន នៅគ្លីនិកឯកជន១ ក្នុងក្រុងកំពង់ចាម ។
តាមមន្ត្រី នៃអង្គភាពសាខាសមាគមនារី ដើម្បីសន្តិភាពនិងអភិវឌ្ឍន៍ខេត្តកំពង់ចាមបានឲ្យដឹងថា ក្រោមការយកចិត្តទុកដាក់ខ្ពស់ ប្រកបដោយមនោសញ្ចេតនា លោក ជំទាវ ញ្ញូង ចរិយា អ៊ុន ចាន់ដា ប្រធានកិត្តិយស សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តកំពង់ចាម រួមជាមួយសហការី បានអញ្ជើញជួបសំណេះសំណាលនិងសួរសុខទុក្ខ ភរិយារបស់ លោក ជួន រតនាវង្ស ជាមន្ត្រីសារព៏ត៌មានសាលាខេត្តកំពង់ចាម ដែលទើបសម្រាលកូនរួច នៅគ្លីនិកឯកជន ក្នុងក្រុងកំពង់ចាម ។
មន្ត្រីដដែលបន្តថា ទន្ទឹមនឹងការចុះសួរសុខទុក្ខនោះដែរ លោក ជំទាវ ញ្ញូង ចរិយា អ៊ុន ចាន់ដា ក៏បានផ្ដល់ជាថវិកាចំនួន ៥០ ម៉ឺនរៀល សម្រាប់ទុកក្នុងការចំណាយផ្សេងៗ ក្រោយពេលសម្រាលកូនហើយនៅ ។
មន្ត្រីដដែលបានបញ្ចាក់ថា លោក ជួន រតនាវង្ស គឺជាមន្ត្រីព័ត៌មានរបស់សាលាខេត្តកំពង់ចាមសកម្មម្នាក់ ក្នុងការចុះផ្តិតយករូបភាព គ្រប់សកម្មភាពរបស់ថ្នាក់ដឹកនាំខេត្តកំពង់ចាម ៕
ប្រភព: សំ ផល្លា