(ភ្នំពេញ) នៅព្រឹកថ្ងៃព្រហស្បតិ៍ ទី ៨កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៤ ខែតុលា ឆ្នាំ២០២១ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានផ្តល់កិច្ចសម្ភាសន៏ពិសេសសម្រាប់ទូរទស្សន៏ MGO Media Cambodia ដែលជាទូរទស្សន៍រដ្ឋនៃសាធារណរដ្ឋប្រជាមានិតចិន ផ្សាយជាបីភាសា ខ្មែរ អង់គ្លេស និងចិន លើប្រធានបទ៖ ១. បច្ចុប្បន្នភាព និងការរំពឹងទុកនៃវិស័យកសិកម្មនៅកម្ពុជា ។ ២. ការវាយតម្លៃចំពោះកិច្ចសហប្រតិបត្តិការ កសិកម្មកម្ពុជា-ចិន ក្រោយដំណើរទស្សនកិច្ចរបស់ ឯឧត្តម វ៉ាង យី រដ្ឋមន្ត្រីការបរទេសចិន ដែលបានសន្យាថានឹងពង្រីកការនាំចូលផលិតផលកសិកម្មកម្ពុជា ។ ៣. តើកម្ពុជាមានចក្ខុវិស័យបែបណាចំពោះកិច្ចព្រមព្រៀងពាណិជ្ជកម្មសេរីកម្ពុជា-ចិន និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ លើការអភិវឌ្ឍវិស័យកសិកម្មនៅកម្ពុជា ។
