(ភ្នំពេញ) ឯកឧត្តម វេង សាខុន រដ្ធមន្ដ្រីក្រសួងកសិកម្ម រុក្ខាប្រមាញ់ និងនេសាទ និងលោកជំទាវ មានសេចក្តីរន្ធត់តក់ស្លុតនិងក្រៀមក្រំជាទីបំផុត នៅពេលទទួលដំណឹងអំពីមរណភាពរបស់ឯកឧត្តមកិត្តិនីតិកោសលបណ្ឌិត ងួន ញ៉ិល អនុប្រធានទី១ រដ្ឋសភា នៅថ្ងៃសុក្រ ១ កើត ខែកត្តិក ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃទី០៥ ខែ វិច្ឆិកា ឆ្នាំ ២០២១ វេលាម៉ោង ១០:៣៦ នាទី ព្រឹក ក្នុងជន្មាយុ ៧៩ឆ្នាំ ដោយរោគាពាធ។
យើងឯកឧត្តមរដ្ធមន្ដ្រី វេង សាខុន មានការសោកស្តាយអាឡោះអាល័យជាទីបំផុត ចំពោះការបាត់បង់រូប ឯកឧត្តមកិត្តិនីតិកោសលបណ្ឌិត ដែលជាសហការីដ៏ល្អមួយរូប ពោរពេញដោយសមត្ថភាព និងគុណធម៌ ។
មរណភាពរបស់ឯកឧត្តម ជាការបាត់បង់នូវឥស្សរជនដ៏ឆ្នើមមួយរូប របស់រដ្ឋសភា ក៏ដូចជាប្រទេសជាតិទាំងមូល និងជាការបាត់បង់នូវឪពុក ឪពុកក្មេក ជីតា ជីតាទួត ដែលជាទីគោរពស្រលាញ់ និងប្រកបដោយព្រហ្មវិហារធម៌ខ្ពង់ខ្ពស់មួយរូប ដែលកន្លងមកបានលះបង់កម្លាំងកាយចិត្ត ប្រាជ្ញា ស្មារតី បម្រើប្រទេសជាតិ ប្រជាពលរដ្ឋ មិនខ្លាចនឿយហត់ឡើយ។
យើងឯកឧត្តមរដ្ធមន្ដ្រី សូមបួងសួង សូមឱ្យវិញ្ញាណក្ខ័ន្ធ ឯកឧត្តមកិត្តិនីតិកោសលបណ្ឌិត ងួន ញ៉ិល បានយោនយោគទៅកាន់ទីស្ថានបរមសុខកុំបី ឃ្លៀងឃ្លាតឡើយ៕
