(កំពង់ចាម) រសៀលថ្ងៃទី០៦ ខែវិច្ឆិកា ឆ្នាំ២០២១ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងលោកជំទាវ និងឯកឧត្តម ខ្លូត ផន ប្រធានក្រុមប្រឹក្សាខេត្ត ព្រមទាំងថ្នាក់ដឹកនាំ មន្ត្រីរាជការចំណុះឱ្យរដ្ឋបាលខេត្ត អញ្ចើញចូលរួមសូត្រមន្ត ពិធីបុណ្យអង្គកឋិនទាន នៅវត្តខេមវ័ន ហៅវត្តថ្មី ស្ថិតនៅក្នុង សង្កាត់សំបួរមាស ក្រុងកំពង់ចាម ។ ពិធីនោះក៏មានការអញ្ចើញចូលរួមពី ឯកឧត្តម លោកជំទាវ សមាជិកព្រឹទ្ធសភា-រដ្ឋសភា ឯកឧត្តម លោកជំទាវ លោកឧកញ៉ា លោក លោកស្រី ភ្ញៀវកិត្តិយស ព្រមទាំងប្រជាពុទ្ធបរិសាទចំណុះជើងវត្ត ជាច្រើនរូបផងដែរ ។ ចៅ វង្ស