(ភ្នំពេញ) សម្តេចតេជោហ៊ុន សែន បានធ្វើការណែនាំបែបនេះនៅក្នុងពិធីសម្ភោធអគារទីស្តីការថ្មីនៃក្រសួងរៀបចំដែនដីនគរូបនីយកម្មនិងសំណង់នាព្រឹកថ្ងៃទី ៨ ខែវិច្ឆិកា ២០២១ ។
ការងារសំខាន់ទាំង៣ រួមមាន៖
ទី១. បន្តការខិតខំចេញបណ្ណកម្មសិទ្ធិដីធ្លីជូនប្រជាពលរដ្ឋអោយបាន១០០ ភាគរយ ដើម្បីធានានូវសុវត្តិភាពនៃការកាន់កាប់ដីធ្លី សម្រាបើការរស់នៅ ដាំដុះ និង វិនិយោគដើម្បីបង្កើតមុខរបរ បង្កើនប្រាក់ចំណូល រួមចំណែកអភិវឌ្ឍសេដ្ឋកិច្ច-សង្គម ។
ទី២. ខិតខំដោះស្រាយជម្លោះដីធ្លីដែលនៅសេសសល់ឬកើតមានដោយធ្វើការខិតខំសម្របសម្រួលក្រៅប្រព័ន្ធតុលាការ ដែលជាយន្តការដោះស្រាយបានរហ័ស ដោយមិនបាច់ឡើងទៅតុលាការ ដែលយុទ្ធសាស្ត្រវាបានដោះស្រាយដោយឈ្នះឈ្នះ ។ហើយការដៅស្រាយក្រៅប្រព័ន្ធតុលាការនេះគឺត្រូវមានសុច្ចរិតភាពទៅលើ ការដោះស្រាយបញ្ហា។
ទី៣.ខិតខំដោះស្រាយបញ្ហាដីសម្បទានសង្គមកិច្ច ការផ្តល់ដីសម្បទានសង្គមកិច្ចឲ្យអ្នកដែលខ្វះដីធ្លីគឺជាការងារមួយដ៏សំខាន់ដែលត្រូវធ្វើ,យើងបានផ្តល់ដី និង ផ្ទះ សម្បែង ដល់ប្រជាពលរដ្ឋដែលខ្វះដី ,ដូចនេះត្រូវបន្តធ្វើទៀត ៕
