(តាកែវ) :ថ្ងៃពុធ ១៣ កើត ខែកត្តិក ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី១៧ ខែវិច្ឆិកា ឆ្នាំ២០២១នេះលោក ញ៉ិប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត រួមនឹងលោកស្រី ម៉ិល ច័ន្ទទេវី ប្រធានការិយាល័យក្សេត្រសាស្រ្ត និងផលិតភាពកសិកម្មខេត្ត លោក នៅ ណារិន ប្រធានការិយាល័យកសិកម្ម ធនធានធម្មជាតិ និងបរិស្ថានស្រុកបាទី និងអជ្ញាធរឃុំ បានអញ្ចើញចូលរួមជាគណៈអធិបតីក្នុងពិធីទិវាស្រែបង្ហាញដាំស្រូវជាជួរ នៅភូមិទួលស្លែង ឃុំក្រាំងលាវ ស្រុកបាទី។ ពីធីនេះរៀបចំដោយមន្ទីរកសិកម្ម រុក្ខាប្រមាញ់ និងនេសាទខេត្តតាកែវ និងបានទទួលឧបត្ថម្ភគាំទ្រដោយកម្មវិធីខ្សែសង្វាក់តម្លៃកសិកម្មកម្ពុជា-អូស្រ្តាលី (CAVAC) ក្នុងគោលបំណង៖
+បង្កើនចំណេះដឹងដល់កសិករក្នុងការប្រើឧបករណ៍ដាំស្រូវជាជួរ ដែលជាអំណោយដ៏ថ្លៃថ្លារបស់ សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។
+ជំរុញឲ្យកសិករប្រើប្រាស់ឧបករណ៍ដាំស្រូវជាជួរនេះពីព្រោះស្រូវដុះលូតលាស់ល្អដោយសារមានចន្លោះជួរ ដែលអាចអោយពន្លឺ និងខ្យល់ចេញចូលបានគ្រប់គ្រាន់ និង ដើម្បីកាត់បន្ថយការចំណាយគ្រាប់ពូជច្រើន។
+ចែករំលែកបទពិសោធន៍ដែលបានអនុវត្តការបង្ហាញដាំស្រូវជាជួរដោយប្រើឧបករណ៍នេះកន្លងមក ដល់កសិករផ្សេងៗទៀតក្នុងតំបន់។ នៅក្នុងពិធីនេះមានអ្នកចូលរួមសរុប ៦៥នាក់ ស្រី ៤៧នាក់។ ក្នុងឱកាសនោះ លោកប្រធានមន្ទីរបានផ្តល់អនុសាសន៍៖
-គួរប្រើប្រាស់ពូជសុទ្ធិដើម្បីទទួលបានទិន្នផលខ្ពស់ហើយមានតម្លៃថ្លៃលើទីផ្សារ។
-គួរធ្វើកសិកម្មតាមបែបយន្តតូបនីយកម្ម ដើម្បីកាត់បន្ថយថ្លៃដើមផលិត និងទទួលបានចំណូលខ្ពស់។
២.មន្រ្តីអង្គភាពអនុវត្តគម្រោងខេត្ត PPIU-TAK រួមនឹងលោក ភួង តារា ទីប្រឹក្សាគម្រោងផ្នែកឡជីវឧស្ម័ន និងរោងជីកំប៉ុស្តិ៍ បានចុះបង្វឹក-ណែនាំតាមទីវាល និងតាមដានត្រួតពិនិត្យ វាយតំលៃការងារកសិកគម្រូ ម៉ី សំអន លើសកម្មភាពឡជីឧស្ម័ននិងរោងជីកំប៉ុស្តិ៍ និងផ្តល់ស្លាកបង្ហាញឡជីវឧស្ម័ន នៅភូមិផ្លូវលោក ឃុំត្រពាំងក្រញូង ស្រុកត្រាំកក់។ ក្នុងឱកានោះ បានផ្តល់នូវអនុសាសន៍ កែលំអរបច្ចេកទេសដាំបន្លែលើរាន បន្តការរៀបចំផលិតជីកំប៉ុស្តិ៍គោក និងពិភាក្សាពីផែនការបន្ត។
៣.លោកស្រីអនុប្រធានការិយាល័យផ្សព្វផ្សាយកសិកម្មខេត្ត និងមន្ត្រី ជាមន្ត្រីអង្គភាពអនុវត្ដគម្រោងខេត្ត PPIU-TAK នៃគម្រោងខ្សែច្រវ៉ាក់ផលិតកម្ម ដោយភាតរៈបរិស្ថាន CFAVC បានចុះស្ទង់ទិន្នផលស្រែបង្ហាញពូជស្រូវផ្ការំដួល ចំនួន ០២បង្ហាញ ក្នុងស្រុកត្រាំកក់ និងស្រុកបាទីរួមមាន៖
-កសិករឈ្មោះ អុី ផល្លា នៅភូមិត្រពាំងប្ញស្សី ឃុំត្រាំកក់ ស្រុកត្រាំកក់មានផ្ទៃដីបង្ហាញ ចំនួន ២ ៥០០ម៉ែត្រការ៉េ ដោយទទួលបានទិន្នផលមធ្យម ៤ ៩៤១ គក/ហត
-កសិករឈ្មោះ វ៉ែន សាវី នៅភូមិទឹកថ្លា ឃុំត្រពាំងក្រសាំង ស្រុកបាទី មានផ្ទៃដីបង្ហាញ ២ ៨០០ ម៉ែត្រការ៉េ ដោយទទួលបានទិន្នផលមធ្យម ៤ ៨៦០ គីឡូក្រាម/ហិចតា ។
៤.លោកស្រី ហ៊ុន សុធារី និងលោក ង៉ែត ម៉ត់ មន្ត្រីខណ្ឌជលផលតាកែវ បានបន្តចូលរួមវគ្គបណ្ដុះ បណ្ដាលស្តីពីគោលការណ៍ណែនាំស្ដីពីការផ្ដល់ និងការគ្រប់គ្រងថវិកាសម្រាប់ដំណើរការអភិវឌ្ឍន៍សហគមន៍នេសាទ នឹងសហគមន៍ស្រះជម្រកត្រី នៅសណ្ឋាគាភ្នំប្រុស ខេត្តកំពង់ចាម រៀបចំដោយរដ្ឋបាលជលផល និងអង្គការ FAO សហគាំទ្រថវិកាដោយសហភាពអឺរ៉ុប (EU)។
៥.ផ្នែករដ្ឋបាលជលផលបូរីជលសារ បានចុះត្រួតពិនិត្យនិងបង្ក្រាបបទល្មើសជលផលតាមប្រព័ន្ធស្មាត ដោយធ្វើការដកហូតឧបករណ៍នេសាទខុសច្បាប់ រួមមាន:
– សៃយ៉ឺនស្បៃមុងចំនួន ១៣ មាត់លូ
– របាំងស្បៃមុងប្រវែង ១៩០ម៉ែត្រ
– បង្កោលឬស្សីចំនួន ៧៥បង្គោល
– ត្រីចម្រុះទម្ងន់ ៨គ.ក្រ
នៅចំណុចខាងលិចភូមិកំពង់យោល ឃុំគោកពោធិ៍ ស្រុកបូរីជលសារ។
៦.លោកស្រី ឃុត សោភា និងលោក ជិន មុន្នី មន្ត្រីខណ្ឌរដ្ឋបាលជលផលតាកែវ បានចុះផ្តល់បច្ចេកទេសអំពីការអនុវត្តអនាម័យល្អ និងផលិតកម្មល្អ ព្រមទាំងនិមិត្តសញ្ញាគុណភាពខ្សែច្រវ៉ាក់ផលិតផលដល់កសិករកែច្នៃចំនួន ០៦គ្រួសារ នៅភូមិដើមធ្លក និងភូមិវាយឈ្នះ ឃុំរវៀង ស្រុកសំរោង។
៧.លោក ឃុន ប៊ុនធី មន្រ្តីការិយាលយ័ផលិតកម្មនិងបសុព្យាបាលខេត្ត បានបង្កាត់មេគោដោយសិប្បនិមិ្មតបានចំនួន ០១ក្បាល នៅភូមិទូលខ្លុង ឃុំអូរសារ៉ាយ ស្រុកត្រាំកក់។
៨.តម្លៃសត្វរស់ និងស៊ុតបក្សី
+ជ្រូកកសិដ្ឋានសុីភី ១០ ០០០៛/គក្រ
+ជ្រូកកសិករ ៨ ៥០០៛/គក្រ
+មាន់បីសាសន៍ ១០ ២០០៛/គក្រ
+មាន់សាច់ ៦ ២០០៛/គក្រ
+មាន់ស្រែ ១៨ ០០០៛/គក្រ
+ស៊ុតមាន់ស្រែ ១ ១០០-១ ៣០០៛/គ្រាប់
+ស៊ុតមាន់កសិដ្ឋាន ៣៧០-៤០០៛/គ្រាប់
+ស៊ុតទា ៤០០-៤៥០៛/គ្រាប់
