សម្តេចតេជោ ហ៊ុន សែន ៖ ការដាក់ចេញនូវយុទ្ធសាស្ត្រដោះស្រាយបញ្ហារហ័ស ទើបប្រជាជនទទួលបានការចាក់ថ្នាំវ៉ាក់សាំងបានគ្រប់ៗគ្នា!

(ភ្នំពេញ) :សម្តេចតេជោ ហ៊ុន សែន បានថ្លែងថា ការរកវ៉ាក់សាំងបង្ការជំងឺកូវីដ១៩ មកចាក់ឱ្យប្រជាពលរដ្ឋ និងវិធានការខិតខំប្រែង ការពារ តស៊ូខ្លាំងណាស់របស់រាជរដ្ឋាភិបាល ដើម្បីសង្គ្រោះអាយុជីវិតប្រជាជនកម្ពុជា ដោយមានអត្រាឆ្លងតិច និងស្លាប់តិច បើប្រៀបធៀបនឹងបណ្តាប្រទេសដទៃទៀត មិនទាន់នឹងមានថ្នាំវ៉ាក់សាំងចាក់គ្រប់គ្រាន់ ហើយប្រទេសខ្លះទៀត មានឆ្លងច្រើន បណ្តាលឱ្យស្លាប់ក៏មានចំនួនច្រើនផងដែរ។

សម្តេចតេជោ ហ៊ុន សែន ថ្លែងបែបនេះ នៅព្រឹកថ្ងៃទី១៥ ខែធ្នូ ឆ្នាំ២០២១ ក្នុងឱកាសអញ្ជើញជាអធិបតីសម្ពោធដាក់ឱ្យប្រើប្រាស់ជាផ្លូវការសណ្ឋាគារ ហាយ៉ាត់ រីជិនស៊ី ភ្នំពេញ «HYATT REGENCY PHNOM PENH»។

សម្តេចតេជោ ហ៊ុន សែន បានថ្លែងអំណរអរគុណដល់ក្រុមហ៊ុន, សប្បុរសជនទាំងអស់ បានចូលរួមចំណែកសហការជាមួយរាជរដ្ឋាភិបាល ក្នុងការជួយឧបត្ថម្ភថ្នាំវ៉ាក់សាំង និងសម្ភារៈជាច្រើន ដែលជាតម្រូវការចាំបាច់បម្រើដល់ការអនុវត្តយន្តការ បង្កា ការពារ ជំងឺឆ្លងកូវីដ-១៩ បានទាន់ពេលវេលា នេះបង្ហាញពីស្មារតីសាមគ្គី សហការ រួមកម្លាំងគ្នាដោះស្រាយស្ថានការណ៍បានភ្លាមៗ គួរជាកោតសរសើរណាស់៕