(បាត់ដំបង) :កាលពីថ្ងៃពុធ ១១កេីត ខែមិគសិរ ឆ្នាំឆ្លូវត្រីស័កព.ស.២៥៦៥ ត្រូវនឹងថ្ងៃទី ១៥ ខែធ្នូ ឆ្នាំ២០២១ វេលាម៉ោង ២០ និង ៤០ នាទី នៅចំណុចភូមិពុកឆ្មា ឃុំអន្លង់វិល ស្រុកសង្កែ ខេត្តបាត់ដំបង អនុវត្តតាមយោបល់ដឹកនាំរបស់លោកឧត្ដមសេនីយ៍ទោ សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរង ផែនការងារន គរបាលព្រហ្មទណ្ឌ និងដោយមានការសម្របសម្រួលលើនីតិវិធីពី ឯកឧត្តមកែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង ផងនោះ លោកវរសេនីយ៍ឯក ឈឿង គឹមសុង នាយការិយាល័យ នគរបាលព្រហ្មទណ្ឌកម្រិតស្រាល បាន ដឹកនាំកម្លាំងក្រុមអន្តរាគមន៍ បង្ការ បង្ក្រាប រួមជាមួយកម្លាំងការិយាល័យនគរបាលព្រហ្មទណ្ឌកំរិតស្រាល ចុះប្រតិបត្តិការ បង្ក្រាប ករណីលួចយករថយន្ត ០១ករណី និងបានធ្វេីការនាំខ្លួនជនសង្ស័យចំនួន ០១នាក់ មកកាន់ស្នងការដ្ឋាន ដេីម្បីសាកសួរស្រាវជ្រាវដែលជនជនសង្ស័យនោះ ឈ្មោះ អឿន សារិត ភេទប្រុស អាយុ២២ឆ្នាំ មានទីលំនៅភូមិព្រៃដំរី ឃុំព្រៃតូច ស្រុកសង្កែ ខេត្តបាត់ដំបង ។
-*វត្ថុតាងដកហូតរួមមាន៖
– រថយន្តធុនធំ ០១គ្រឿង ម៉ាក Hyundai ធុនធំ ពណ៌ស-លឿង ស៊េរីឆ្នាំ២០០២ ពាក់ស្លាកលេខ ភ្នំពេញ 3F-1578 ។
សូមជម្រាបជូនថា នៅថ្ងៃទី១៥ ខែធ្នូ ឆ្នាំ២០២១ វេលាម៉ោង០៦ និង ៤០នាទី នៅចំណុចភូមិព្រៃដំរី ឃុំព្រៃតូច ស្រុកមោងឫស្សី ខេត្តបាត់ដំបង ជនសង្ស័យខាងលេី បានធ្វេីសកម្មភាព ឡើងបើករថយន្តខាងលេីក្នុងខណៈជនរងគ្រោះឈ្មោះ ទូច ដារ៉ា ភេទប្រុសអាយុ ២៩ ឆ្នាំមានទីលំនៅភូមិពោធ៍ស្វាយមីង ឃុំអំពិលតាពក ស្រុកអូររាំងឪ ខេត្តកំពង់ចាម មកឈប់ដឹកស្រូវនៅទីនោះ។
ក្រោយកេីតហេតុជនរងគ្រោះបានរាយការណ៍មកសមត្ថកិច្ចនគរបាល ហេីយឆ្លងតាមរយៈសេចក្តីរាយការណ៍នេះសមត្ថកិច្ចកំណត់មុខសញ្ញានិងឈានដល់ការឃាត់ខ្លួនតែម្តង។
នៅចំពោះមុខសមត្ថកិច្ចជនសង័្សយខាងលេី បានសារភាពថាខ្លួនពិតជាបានលួចយករថយន្តខាងលេីមែន ដោយសារឃេីញសោរថយន្តនៅទីនោះស្រាប់ ប៉ុន្តែក្រៅពីនោះចម្លេីយរបស់ជនសង័្សយហាក់មិនច្បាស់លាស់សោះអំពីគោលបំណងនៃការធ្វេីសកម្មភាពនេះ ហេីយពេលសមត្ថកិច្ចធ្វេីតេស្សរកសារធាតុញៀន ឃេីញរូបគាត់មាន(វិជ្ជមាន)សារធាតុញៀននៅក្នុងខ្លួនផង។
ទោះជាយ៉ាងនេះក្តី បច្ចុប្បន្នការិយាល័យជំនាញបានប្រគល់រថយន្ត ០១គ្រឿងខាងលើ ជូនទៅជនរងគ្រោះវិញ រីឯជនសង័្សយបានកសាងសំណុំរឿងបញ្ជូនទៅសាលាដំបូងខេត្តបាត់ដំបងចាត់ការបន្តតាមនីតិវិធី ច្បាប់ ៕
