(សៀមរាប) :យោងតាមប្រជាពលរដ្ធរស់នៅសង្កាត់ជ្រាវ ក្រុងសៀមរាបបានឲ្យដឹងថា ទីតាំងល្បែងស៊ីសងបញ្ជល់មាន់និងអាប៉ោងខុសច្បាប់ មួយកន្លែងនៅភូមិបឹង សង្កាត់ជ្រាវ ក្រុងសៀមរាប ខេត្តសៀមរាប ផ្លូវចូលតាមបឹងពារាំង ម្ចាស់ឈ្មោះ វ៉ាន់ កំពុងបើកលេងយយ៉ាងសុខសប្បាយ ហើយអាជ្ញាធរមានសមត្ថកិច្ចដែលពាក់ព័ន្ឋ មិនហ៊ាន ចុះបង្រ្កាប។
ប្រជាពលរដ្ឋបានដាក់ការសង្ស័យថា ទីតាំងបនល្បែងខុសច្បាប់នៅសង្កាត់ជ្រាវ បើកលេងយ៉ាងអាណាធិបតេយ្យបែបនេះហេតុអ្វីអាជ្ញាធរ និងសមត្ថកិច្ចមូលដ្ឋានបែជាមិនដឹង ? ឬមានអ្វីនៅពីក្រោយ ។
បើតាមប្រភពបានឲ្យដឹងទៀតថា ទីតាំងបនល្បែងជល់មាន់និងអាប៉ោងខុសច្បាប់មួយកន្លែងនេះគេនាំគ្នាចាក់លុយរាប់លានរៀល សម្រាប់មាន់ជល់ ភ្នាល់ចាក់លុយមួយគួៗរាប់លាន់រៀល ចំណែកអាប៉ោងវិញភ្នាល់ចាក់លុយ មួយគ្របៗរាប់លានរៀលដូចគ្នា។
ហើយជាពិសេសទៅទៀតនោះទីតាំងបនល្បែងមួយនេះគេសង្កេតឃើញមានអ្នកចាំមើលផ្លូវ ហើយអ្នកខ្លះទៀតចាំសម្រប់សម្រួល!។
ដូច្នេះហើយពលរដ្ឋមានការព្រួយបារម្មណ៍ ពីសុវត្ថិភាពសង្គម នៅក្នុងមូលដ្ឋានរបស់ពួកគាត់ទើបបានស្នើសុំដល់អាជ្ញាធរមានសមត្ថកិច្ច ដែលពាក់ពន្ធ័ខេត្តសៀមរាប មេត្តាចុះពិនិត្យនិងធ្វើការបង្ក្រាបផង ធ្វើយ៉ាងណាឲ្យស្របតាមគោលនយោបាយភូមិ ឃុំ មានសុវត្ថិភាពទាំង៩ចណុចរបស់រាជរដ្ឋាភិបាល ដែលដាក់ចេញដោយក្រសួងមហាផ្ទៃ ៕សហការី
