ព័ត៌មានជាតិ

រដ្ឋបាលខេត្តកំពង់ចាម រៀបចំវេទិកាផ្សព្វផ្សាយ និងពិគ្រោះយោបល់ក្រុមប្រឹក្សាខេត្តលើកទី២ អាណត្តិទី៣ ឆ្នាំ២០២០ នៅស្រុកព្រៃឈរ

(កំពង់ចាម)៖ នាព្រឹកថ្ងៃទី១៩ ខែវិច្ឆិកា ឆ្នាំ២០២០ រដ្ឋបាលខេត្តកំពង់ចាម បានរៀបចំវេទិកាផ្សព្វផ្សាយ និងពិគ្រោះយោបល់ក្រុមប្រឹក្សាខេត្តកំពង់ចាម លើកទី២ អាណត្តិទី៣ ឆ្នាំ២០២០ នៅបរិវេណមង្គលារាម (វត្តទួលខ្ពស់) ភូមិទួលខ្ពស់ ឃុំក្រូច ស្រុកព្រៃឈរ ក្រោមអធិបតីភាពលោក ខ្លូត ផន ប្រធានក្រុមប្រឹក្សាខេត្ត និងលោក អ៊ុំភឿន គុណវុឌ្ឍ តំណាងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងដោយមានការអញ្ជើញចូលរួមពីសំណាក់ឯកឧត្តម លោកជំទាវ សមាជិកក្រុមប្រឹក្សាខេត្ត លោក លោកស្រី ប្រធានមន្ទីរ-អង្គភាពជុំវិញខេត្ត ក្រុមប្រឹក្សាស្រុក គណៈអភិបាលស្រុក នាយករងរដ្ឋបាលសាលាខេត្ត លោក លោកស្រី នាយក នាយករងទីចាត់ការ អង្គភាពចំណុះសាលាខេត្ត លោក-លោកស្រីមេឃុំ មន្រ្តីរាជការសាលាស្រុក និងប្រជាពលរដ្ឋចូលរួមចំនួន១៥៥នាក់ ស្រី២០នាក់។

របៀបវារៈ
-បង្ហាញបញ្ជាផ្ទៃក្នុង
-ប្រកាសហេតុ និងគោរពទង់ជាតិនៃព្រះរាជាណាចក្រកម្ពុជា
-មតិស្វាគមន៍បើកវេទិកាផ្សព្វផ្សាយ និងពិគ្រោះយោបល់ របស់ឯកឧត្តម ខ្លូត ផន ប្រធានក្រុមប្រឹក្សាខេត្ត
-ការណែនាំខ្លួនរបស់ឯកឧត្តមលោកជំទាវសមាជិកក្រុមប្រឹក្សាខេត្ត
-ការបង្ហាញតួនាទី និងភារកិច្ចរបស់ការិយាល័យប្រជាពលរដ្ឋខេត្ត
-ការបង្ហាញពីតួនាទី ភារកិច្ច និងសិទ្ធិអំណាចរបស់ក្រុមប្រឹក្សាខេត្ត គណៈអភិបាលខេត្ត
-ការលើកឡើងជាមតិយោបល់ សំណើសំណូមពរ និងកង្វល់របស់សហគមន៍និងប្រជាពលរដ្ឋ
-ការដោះស្រាយបញ្ហាដែលបានលើកឡើង របស់ឯកឧត្តម អ៊ុំភឿន គុណវុឌ្ឍ អភិបាលរងខេត្ត និងមន្ទីរជំនាញពាក់ព័ន្ធ
-របាយការណ៍បូកសរុបសង្ខេបនៃអង្គវេទិកា
-មតិបូកសរុបបិទអង្គវេទិកា របស់ឯកឧត្តមប្រធានក្រុមប្រឹក្សាខេត្ត

បន្ទាប់ពីបានដំណើរការតាមរបៀបវារៈដែលបានគ្រោងទុក និងវេទិកា ទទួលបានសំណូមពរ សំណើររបស់ប្រជាពលរដ្ឋ ចំនួន០៧ករណី ត្រូវបានឯកឧត្តម អ៊ុំភឿន គុណវុឌ្ឍ អភិបាលរងខេត្ត និងមន្ត្រីនៃមន្ទីរ-អង្គភាពជំនាញ ធ្វើការដោះស្រាយ និងស្រាយបំភ្លឺ បានចំនួន០២ករណី និងត្រូវបន្តសិក្សាស្រាវជ្រាវ ដើម្បីរកដំណោះស្រាយចំនួន០៥ករណី៕

rsn

ឆ្លើយ​តប

អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។