(កំពង់ចាម) :ដើម្បីជាការលើកស្ទួយដល់វិស័យសិល្បៈភាពយន្តខ្មែរឱ្យទទួលបានការគាំទ្រ និងល្បីរន្ទឺនៅឆាកជាតិ និងអន្តរជាតិ ជាពិសេសដើម្បីជម្រុញឱ្យការផលិតនូវរឿងភាគដ៏ល្បីល្បាញមួយដែលដកស្រង់ចេញពីប្រវត្តិពិតរបស់ថ្នាក់ដឹកនាំកំពូលនៃព្រះរាជាណាចក្រកម្ពុជា “សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន” ប្រធានកាកបាទក្រហមកម្ពុជា ដែលសម្តេចទាំងទ្វេរ គឺជាអគ្គមគ្គុទេសក៍ឯក និងជាបិតាស្ថាបនិកសន្តិភាព និងការអភិវឌ្ឍនៅកម្ពុជា។ ជាក់ស្តែងនៅរសៀល ថ្ងៃទី១៦ ខែកុម្ភៈ ឆ្នាំ២០២២នេះ ឯកឧត្ដម អ៊ុន ចាន់ដា អអភិបាលនៃគណៈអភិបាលខេត្តកំពង់ចាម អមដោយថ្នាក់ដឹកនាំ មន្ត្រីរាជការសាលាខេត្ត មន្ទីរ អង្គភាពជុំវិញខេត្ត និងអាជ្ញាធរពាក់ព័ន្ធ អញ្ជេីញជួបសំណេះសំណាលជាមួយគណៈកម្មការផលិតរឿងភាគ “កូនប្រុសក្រោមពន្លឺព្រះចន្ទពេញបូណ៌មី” ស្ថិតនៅក្នុងបរិវេណវត្តកោះគល់ ឃុំកោះរការ ស្រុកកំពង់សៀម និងបានផ្ដល់ថវិកាឧបត្ថម្ភ ចំនួន ៤០ លានរៀលផងដែរ៕