(កំពង់ចាម) :នារសៀល ថ្ងៃទី២២ ខែមីនា ឆ្នាំ២០២២ លោកជំទាវ ញ៉ូង ចរិយា អ៊ុន ចាន់ដា ប្រធានកិត្តិយសសាខាសមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្តកំពង់ចាម រួមដំណើរដោយថ្នាក់ដឹកនាំ សមាជិក សមាជិកាសាខា អញ្ជេីញចូលរួមបច្ច័យបុណ្យឆ្លងរថយន្តនាគនឹងរោងដាក់រថយន្តនាគ ក្នុងវត្តបទុមរតនដីដុះ ស្ថិតក្នុងសង្កាត់វាលវង់ ក្រុងកំពង់ចាម ខេត្តកំពង់ចាម។ ពិធីនេះក៏បានការនិមន្តចូលរួមជាកិត្តិយសពីព្រះសីលសំវរ ប៊ត តាំងឆេង ព្រះមរគណខេត្តនិងជាព្រះគ្រូចៅអធិការវត្តជ័យគិរី ហៅវត្ត (ភ្នំ ហានជ័យ) ព្រមទាំងលោកតា លោកយាយ ប្រជាពុទ្ធបរិស័ទចំណុះជើងវត្តយ៉ាងច្រើនកុះករ ដោយអនុវត្តទៅតាមវិធានសុខាភិបាល