(ព្រៃវែង) :រសៀលថ្ងៃចន្ទ ២កេីត ខែចេត្រ ឆ្នាំខាល ចត្វាស័ក ព.ស២៥៦៥ ត្រូវនឹងថ្ងៃទី២ ខែឧសភា ឆ្នាំ២០២២ឯកឧត្តម ជា សុមេធី អភិបាលនៃគណ:អភិបាលខេត្តព្រៃវែង និងលោកជំទាវ បានអញ្ជេីញចូលរួមក្នុងពិធីបុណ្យស្រោចស្រពព្រះសុគន្ធវារី ប្រគេនព្រះមហា ចាន់ សុធា ក្នុងឱកាសទទួលគោរពងារជាព្រះសរណានុរ័ក្ខធម្ម ព្រះរាជាគណៈថ្នាក់កិត្តិយស នៃព្រះរាជាណាចក្រកម្ពុជា ក្រោមអធិបតីភាព សម្ដេចព្រះមហាអរិយវង្សបណ្ឌិត ឃី សុវណ្ណរតនា សកលវិទ្យាធិការរងទទួលបន្ទុកដឹកនាំសកលវិទ្យាល័យ ព្រះសីហនុរាជ អនុប្រធានលេខាធិការដ្ឋានគណៈសង្ឃនាយក តំណាងដ៏ខ្ពង់ខ្ពស់ សម្ដេចព្រះសង្ឃនាយក នៃព្រះរាជាណាចក្រកម្ពុជា។
ក្នុងពិធីនេះដែរក៏មានការចូលរួមពី ព្រះធម្មវស្សា ជា វ៉ាន់នី ព្រះរាជាគណៈថ្នាក់ចត្វា ព្រះមេគុណខេត្តព្រៃវែង ព្រះអនុគុណខេត្ត ឯកឧត្តម សមាជិកក្រុមប្រឹក្សាខេត្ត លោកអភិបាលរងខេត្ត កងកម្លាំងប្រដាប់អាវុធទាំងបី លោកនាយក នាយករងរដ្ឋបាល សាលាខេត្ត ប្រធានមន្ទីរអង្គភាពជុំវិញខេត្ត អភិបាលក្រុង ព្រមទាំងព្រះអនុគុណគ្រប់ស្រុក ជាមួយតាជី យាយជី និងពុទ្ធបរិស័ទជិតឆ្ងាយក្នុងបរិវេណវត្តសំសមី ក្រុងព្រៃវែង។
សារជាថ្មីម្តងទៀត ខ្ញុំករុណា និងភរិយា សូមប្រគេនពរព្រះគ្រូចៅអធិការវត្តសំសមីក្នុងឱកាសឡេីង ព្រះរាជាគណៈថ្នាក់កិត្តិយស សូមប្រគេនព្រះអង្គមានសុខភាពល្អ ព្រះជន្មយឺនយូរ ជាម្លប់របស់ពុទ្ធបរិស័ទតរៀងទៅ។