(កំពង់ចាម) :នៅព្រឹកថ្ងៃទី២៧ ខែឧសភា ឆ្នាំ២០២២ ឯកឧត្តម អ៊ុន ចាន់ដា សមាជិកគណៈកម្មាធិការកណ្ដាល និងជាប្រធានគណបក្សប្រជាជនកម្ពុជាខេត្តកំពង់ចាម អញ្ជើញចូលរួមក្នុងពិធីសំណេះសំណាលជាមួយក្រុមការងារ និងក្រុមសកម្មនៃយុវជនទូទាំងស្រុកស្រុកស្រីសន្ធរ ក្រោមអធិបតីភាពដ៏ខ្ពង់ខ្ពស់ឯកឧត្តម បណ្ឌិត ហ៊ុន ម៉ាណែត សមាជិកគណៈកម្មការអចិន្ត្រៃយ៍គណៈកម្មាធិការកណ្ដាល និងជាប្រធានយុវជនគណបក្សថ្នាក់កណ្ដាល ដែលពិធីនេះធ្វើឡើងនៅទីស្នាក់ការគណបក្សស្រុកស្រីសន្ធរ ដោយមានការចូលរួមពីសំណាក់ប្រធាន ប្រធាន អនុប្រធានក្រុមការងារគណបក្សចុះមូលដ្ឋានស្រុក ឃុំ គណៈអចិន្ត្រៃយ៍បក្សខេត្ត ស្រុក ឃុំ ក្រុមការងារយុវជនគណបក្សខេត្ត ស្រុក ឃុំ រួមនឹងសមាជិក សមាជិកាយុវជនប្រមាណជិត ២០០០នាក់។