(សៀមរាប)៖ ឯកឧត្តម ទៀ សីហា អភិបាលខេត្តសៀមរាប នៅថ្ងៃទី៣ ខែធ្នួ ឆ្នាំ២០២០ នេះ បានចេញលិខិតថ្លែងអំណរគុណចំពោះសម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ដែលបានផ្តល់ការឧបត្ថម្ភថវិកាដល់រដ្ឋបាលខេត្តសៀមរាបចំនួន ៨០,០០០,០០០៛ (ប៉ែតសិបលានរៀល) និង ម៉ាស់ចំនួន ១,០០០,០០០ (មួយលាន) ម៉ាស់ ដើម្បីផ្តល់ជូនប្រជាពលរដ្ឋក្រីក្រក្នុងអំឡុង ពេលធ្វើចត្តាឡីស័ក រយៈពេល ១៤ថ្ងៃ និងចែកជូនប្រជាពលរដ្ឋដែលមានជីវភាពក្រីក្រ នៅក្នុងភូមិសាស្ត្រក្រុង-ស្រុក ខេត្តសៀមរាប៕
