(ភ្នំពេញ) :ថ្ងៃពុធទី១៤ ខែកញ្ញា ឆ្នាំ២០២២នេះ សម្ដេចក្រឡាហោម ស ខេង បានចេញលិខិតបង្គាប់ការចាត់ឯកឧត្តម សន្តិបណ្ឌិត សុខ ផល រដ្ឋលេខាធិការក្រសួងមហាផ្ទៃ ដឹកនាំកម្លាំងចុះបង្ក្រាបល្បែងស៊ីសងខុសច្បាប់គ្រប់ប្រភេទ នៅទូទាំងប្រទេស។
ល្បែងឆ្នោតយួន ឆ្នោតខ្មែរ ឆ្នោតឡូតូតាមអនឡាញ ល្បែងមាន់ជល់តាមអនឡាញ បច្ចុប្បន្នបានរីកចម្រើនដុះដាលយ៉ាងគំហុកដល់កាំជណ្តើរផ្ទះពលរដ្ឋខ្មែរ ហើយមួយចំនួនធំជ្រកតាមហាងកាហ្វេ ដែលសុទ្ធតែជាប្រភពនៃបទល្មើសចោរលួច ចោរឆក់ ប្លន់ អំពើហិង្សាក្នុងគ្រួសារ និងភាពអសន្តិសុខក្នុងមូលដ្ឋាន ។