អភិបាលខេត្តកំពង់ចាម និងសហការី អញ្ជើញចូលរួម ក្នុងពិធីបុណ្យទក្ខិណានុប្បទាន គម្រប់ខួប៧ថ្ងៃ ដើម្បីឧទ្ទិសកុសលផលបុណ្យ ជូនដួងវិញ្ញាណក្ខន្ធ ព្រឹទ្ធមហាឧបាសិកាពុទ្ធសាសនូបត្ថម្ភក៍ ទន់ ធី

(ត្បូងឃ្មុំ) :នារសៀលថ្ងៃទី៣ ខែតុលា ឆ្នាំ២០២២ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និង ឯកឧត្តម ខ្លូត ផន ប្រធានក្រុមប្រឹក្សាខេត្ត និងសហការី បានអញ្ជើញចូលរួម ក្នុងពិធីបុណ្យទក្ខិណានុប្បទាន គម្រប់ខួប៧ថ្ងៃ ដើម្បីឧទ្ទិសកុសលផលបុណ្យ ជូនដួងវិញ្ញាណក្ខន្ធ ព្រឹទ្ធមហាឧបាសិកាពុទ្ធសាសនូបត្ថម្ភក៍ ទន់ ធី ដែលត្រូវជាម្តាយក្មេក របស់ឯកឧត្តមឧបនាយករដ្ឋមន្ត្រី យឹម ឆៃលី និងជាជីដូនក្មេករបស់ឯកឧត្តម ហ៊ុន ម៉ានី ស្ថិតក្នុងភូមិពន្លៃ ឃុំកក់ ស្រុកពញាក្រែក ខេត្តត្បូងឃ្មុំ។