ប្រទេសថៃ ៖ យោងតាមប្រភពសារពត៌មាន Bangkok Postបានអោយដឹងថា ៖ ប៉ូលីសថៃម្នាក់ដែលបម្រើការនៅប៉ុស្តិ៍ Phra Khanong ក្នុងទីក្រុងបាងកក ត្រូវបានបា.ញ់កាលពីព្រឹកថ្ងៃសៅរ៍នេះ នៅមុខកន្លែងធ្វើការរបស់គាត់ដោយស្ត្រីមានផ្ទៃពោះម្នាក់ ដែលត្រូវគេប្រកាសថា ប្រពន្ធម្នាក់ក្នុងចំណោមប្រពន្ធជាច្រើននាក់របស់គាត់។
ហេតុការណ៍បា.ញ់ប្រហារនេះកើតឡើងកាលពីព្រឹកឈានចូលថ្ងៃសៅរ៍ នៅពេលវរសេនីយ៍ទោ Kasityos Phraekhao បានដើរចេញមកក្រៅដើម្បីជក់បារីនៅក្រោយទីសក្ការៈបូជារបស់ប៉ុស្តិ៍ប៉ូលីស។ អ្នកទាំងពីរត្រូវបានគេលឺស្រែកឈ្លោះប្រកែកគ្នាខ្លាំងៗ មុនពេលស្ត្រីជាប្រពន្ធដកកាំភ្លើងបា.ញ់គាត់ត្រូវផ្នែកខាងឆ្វេងនៃដងខ្លួន។
បន្ទាប់ពីត្រូវបានបា.ញ់ឱ្យរងរបួសដោយប្រពន្ធ គាត់បានរត់ចូលខាងក្នុងប៉ុស្តិ៍ប៉ូលិស ដោយមន្ត្រីប្រចាំការម្នាក់បានជួយគាត់ និងបានធ្វើការនិយាយជាមួយស្ត្រីនោះ ដោយបញ្ចុះបញ្ចូលគាត់ឱ្យចុះចាញ់។
ស្ត្រីជាខ្មាន់កាំភ្លើ.ងត្រូវបានចោទប្រកាន់ពីបទប៉ុនប៉ងមនុស្សឃា.តលើសមត្ថកិច្ច និងកាន់កាប់អាវុ.ធក្នុងក្រុងដោយគ្មានការអនុញ្ញាតិ។ ចំណែកប៉ូលិសរងរបួស ត្រូវបានគេបញ្ជូនទៅកាន់មន្ទីរពេទ្យ និងត្រូវគេរាយការណ៍ស្ថានភាពរបស់គាត់នៅនឹងនរ។
យោងតាមការស៊ើបអង្កេតបឋម ស្ត្រីនោះជាប្រពន្ធទី ៤របស់ប៉ូលិសរងគ្រោះ។ ប្រពន្ធទី ១របស់លោក ត្រូវបានគេរាយការណ៍ថាបានស្លាប់ចោលគាត់។
លោក Vajirakorn Wongboon ស្នងការនៃប៉ុស្តិ៍ Phra Kanong បាននិយាយថា ហេតុការណ៍នោះជាបញ្ហាគ្រួសារ ហើយវាមិនប៉ះពាល់ដល់មុខមាត់ប៉ូលីសនោះទេ៕ (យោងតាមប្រភព៖ Bangkok Post)