(ព្រៃវែង) :សម្តេចតេជោ ហ៊ុន សែន បានថ្លែងថា ប្រធានាធិបតីសហរដ្ឋអាមេរិក លោក ចូ បៃដិន នឹងធ្វើដំណើរមកកាន់ប្រទេសកម្ពុជាដើម្បីចូលរួមកិច្ចប្រជុំអាស៊ាន-អាមេរិកនៅទីក្រុងភ្នំពេញ។ សម្តេចបានថ្លែងដូចនេះនៅព្រឹកថ្ងៃទី៣០ ខែតុលា ឆ្នាំ២០២២ ក្នុងឱកាសអញ្ជើញសំណេះសំណាលនិងចែកស្រូវពូជជូនប្រជាពលរដ្ឋ ៦១១២គ្រួសារ ដែលរងគ្រោះដោយសារជំនន់ទឹកភ្លៀង និងទឹកទន្លេមេគង្គនៅក្នុងខេត្តព្រៃវែង។
សម្តេចតេជោ ហ៊ុន សែន ក៏បានគូសបញ្ជាក់ថា លោក ចូ បៃដិន នឹងចាកចេញពីសហរដ្ឋអាមេរិកមកកាន់ប្រទេសអេហ្ស៊ីប និងចេញពីអេហ្ស៊ីប មកកាន់ប្រទេសកម្ពុជា ចេញពីកម្ពុជាទៅកាន់ប្រទេសឥណ្ឌូនេស៊ី រួចហើយទើបអញ្ជើញទៅសហរដ្ឋអាមេរិកវិញ៕