អាល្លឺម៉ង់ ៖ ប្រជាជនអាល្លឺម៉ង់កាន់តែច្រើនបានងាកមកប្រើប្រាស់ចង្ក្រានដុតអុស ដោយសារការភ័.យខ្លា.ចការខ្វះខាតឧស្ម័ន និងការឡើងថ្លៃឧស្ម័ន។
មន្ត្រីអង្គការសហប្រជាជាតិម្នាក់ឈ្មោះ Usha Nirmala បានធ្វើការបង្ហោះសារនៅលើបណ្តាញសង្គម Twitter អមជាមួយរូបភាពកាលពីពេលថ្មីនេះថា «ប្រេង (Kerosene) និងអុសត្រូវគេឃើញមានដាក់លក់នៅក្នុងផ្សារទំនើបអាល្លឺម៉ង់នាប៉ុន្មានថ្ងៃនេះ»។
ប្តីប្រពន្ធអាល្លឺម៉ង់ចូលនិវត្តន៍មួយគូ បានសម្រេចចិត្តដំឡើងចង្ក្រានដុតអុសមួយ ដោយសារតែព្រួយបារម្ភពីការខ្វះខាតឧស្ម័ន និងតម្លៃឡើងថ្លៃ។
មុនពេលជួបវិបត្តិថាមពល គ្រួសាររបស់លោក Moller ចំណាយអស់ប្រហែល ៨០០អឺរ៉ូក្នុងមួយឆ្នាំសម្រាប់ឧស្ម័ន។ ឆ្នាំនេះ ទោះបីជាមានប្រព័ន្ធកំដៅថ្មីក៏ដោយ ការចំណាយរបស់ពួកគេត្រូវប៉ាន់ប្រមាណថាអស់ជិត ២.៣០០អឺរ៉ូ។
ទោះបីតម្លៃអូសថោកជាងតម្លៃឧស្ម័ន និងអគ្គិសនីក្តី តម្លៃរបស់វាកើនឡើងទ្វេដង។ ប៉ុន្តែកូនប្រុសរបស់អ្នកទាំងពីរមានព្រៃតូចមួយដែលអាចឱ្យពួកគាត់ទទួលបានអុសដោយឥតគិតថ្លៃ។
សូមបញ្ជាក់ថា បច្ចុប្បន្ន នៅក្នុងប្រទេសអាល្លឺម៉ង់មានចង្ក្រានដុតអូសចំនួន ១១លាន ដែលទំនោរងាកទៅរកចង្ក្រាននេះត្រូវបានរិះគន់ដោយអង្គការការពារបរិស្ថាន។
ភ្នាក់ងារបរិស្ថានសហព័ន្ធអាល្លឺម៉ង់បានព្រមានថា ការបំភាយឧស្ម័នកាបូនិចកាន់តែខ្ពស់ជាងមុនសម្រាប់ការដុតអុសជាងការប្រើប្រេងឥន្ធនៈហ្វូស៊ីលដូចជា ធ្យូងថ្ម ឬឧស្ម័នធម្មជាតិ៕ (យោងតាមប្រភព៖ euronews)
