(កំពង់ចាម) ៖នៅព្រឹកថ្ងៃអាទិត្យ ទី២៥ ខែធ្នូ ឆ្នំា២០២២ ឯកឧត្តម អ៊ុន ចាន់ដា សមាជិកគណៈកម្មាធិការកណ្តាល ប្រធានគណបក្សប្រជាជនកម្ពុជាខេត្តកំពង់ចាម បានអញ្ជើញចូលរួមជាគណអធិបតី ក្នុងពិធីប្រកាសបញ្ជូលសមាជិកគណបក្សប្រជាជនកម្ពុជា ជាយុវជនចំនួន ១.៣៧៥រូប មកពីឃុំ ចំនួន១៥ ទូទាំងស្រុកព្រៃឈរ ក្រោមអធិបតីភាព ឯកឧត្តម ឃឹម សិរីវង្ស តំណាងប្រធានក្រុមការងារគណបក្សចុះជួយស្រុកព្រៃឈរ និងឯកឧត្តមបណ្ឌិត ជ្រុន ថេរ៉ាវ៉ាត តំណាងដ៏ខ្ពង់ខ្ពស់ ឯកឧត្តមបណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍ គម្មាធិការកណ្តាល ប្រធានយុវជនគណបក្សប្រជាជនកម្ពុជា។ ពិធីនេះប្រារព្ធធ្វើឡើងនៅទីស្នាក់ការគណបក្សស្រុកព្រៃឈរ។