(សៀមរាប) ៖ កម្លាំងអធិការនគរបាលស្រុកសូទ្រនិគម បានចុះប្រតិបត្តិការបង្ក្រាបក្រុមចោរ ប្លន់ជំនាញខាងលួចគោ ក្របី តាមភូមិ ឃុំ ស្រុក ហើយចាប់ខ្លួនជនសង្ស័យបានម្នាក់ និងរត់គេចខ្លួនបាត់ម្នាក់ ពាក់ព័ន្ធករណីអំពើលួចមានស្ថានទម្ងន់ទោស។ ហេតុការណ៍នេះ បានកើតឡើងកាលពីថ្ងៃទី២៦ ខែធ្នូ ឆ្នាំ២០២២ វេលាម៉ោង០១និង៣០នាទីរំលងអធ្រាត្រ នៅចំណុចគោកចំរេះ ស្ថិតក្នុងភូមិប្រវ៉ាល ឃុំតាយ៉ែក ស្រុកសូទ្រនិគម ខេត្តសៀមរាប។
បើតាមប្រភពពីសមត្ថកិច្ចបានឱ្យដឹងថា ជនសង្ស័យដែលត្រូវកម្លាំងយើងឃាត់ខ្លួនបានម្នាក់នោះមានឈ្មោះ សុខ ករុណា ភេទប្រុស អាយុ៥២ឆ្នាំ ទីកន្លែងកំណើត និងអាសយដ្ឋានបច្ចុប្បន្ននៅភូមិតាវ៉ូង ឃុំទៀនអង្កាំ ស្រុកព្រះនេតព្រះ ខេត្តបន្ទាយមានជ័យ។ ជនសង្ស័យរូបនេះពាក់ព័ន្ធករណីក្រោមបទល្មើស៣ចំណុច រួមមាន ៖ បទឃា.តកម្ម (ប៉ុនប៉ងមនុស្សឃា.តដោយប្រើប្រាស់កាំភ្លើ.ងខ្លី K59) និងបទកាន់កា.ប់ ឬដឹកជញ្ជូនអាវុធដោយគ្មានការអនុញ្ញាតិ។
ប្រភពដដែលបានបញ្ជាក់ថា ដោយយោងតាមពាក្យបណ្តឹងរបស់ជនរងគ្រោះដែលមានឈ្មោះ ខន ឃាន ភេទប្រុស អាយុ៤៣ឆ្នាំ មុខរបរកសិករ អាសយដ្ឋានបច្ចុប្បន្ននៅភូមិប្រវ៉ាល ឃុំតាយ៉ែក ស្រុកសូទ្រនិគម ខេត្តសៀមរាប ។
យោងតាមការបំភ្លឺរបស់ជនរងគ្រោះ បានរៀបរាប់ប្រាប់ឱ្យសមត្ថកិច្ចដឹងថា ខ្លួនសព្វថ្ងៃមានក្របីចំនួន០៩ក្បាល ហើយរៀងរាល់យប់ខ្លួនតែងចងក្របីចំនួន០៤ក្បាលនៅក្នុងរបងក្រោយផ្ទះចម្ងាយប្រហែល៣០ម៉ែត្រ និង០៥ក្បាលទៀតចងក្រៅរបង។ លុះដល់ថ្ងៃទី២៥ ខែធ្នូ ឆ្នាំ២០២២ នៅពេលល្ងាច ខ្លួនបានយកក្របីទៅចងនៅក្រោលរបងក្រោយផ្ទះដូចសព្វដង ស្រាប់តែដល់ម៉ោង១និង១០នាទីរំលងអធ្រាត្រ ឈានចូលថ្ងៃទី២៦ ខែធ្នូ ឆ្នាំ២០២២ ឈ្មោះ គា ហេង ភេទប្រុស អាយុជាង៥០ឆ្នាំ នៅចំណុចចំរេះ បានទូរស័ព្ទមកប្រាប់ថា ឃើញមានម៉ូតូ០១គ្រឿង ដូចជាមានការសង្ស័យជិះទៅខាងត្បូងហើយ។
ប្រភពដដែលបន្តថា ភ្លាមៗនោះ ខ្លួនក៏បានស្ទុះក្រោក រួចយកពិលដើរទៅមើលក្របីនៅក្រោល ក្រោយផ្ទះ ក៏ឃើញក្របីនៅទាំងអស់ រួចខ្លួនក៏ដើរត្រឡប់មកវិញដល់មុខផ្ទះ ស្រាប់តែឮសម្លេងម៉ូតូជិះមកពីខាងជើងហួសផ្ទះខ្លួនទៅត្បូងបានប្រហែល១០០ម៉ែត្រ ទើបឈប់។ ពេលនោះ ខ្លួនលបមើល ក៏ឃើញពួកជនសង្ស័យជិះគ្នា០២នាក់ ហើយម្នាក់បានចុះពីលើម៉ូតូដើរសំដៅមកផ្ទះខ្លួន និងម្នាក់ទៀតជិះម៉ូតូបកមកវិញហួសផ្ទះខ្លួនបន្តិចក៏ឈប់ រួចចុះដើរមកផ្ទះខ្លួនដែរ។
ប្រភពដដែលបន្តទៀតថា ពេលនោះ ជនសង្ស័យម្នាក់បានដើរចូលក្នុងបរិវេណផ្ទះខ្លួនទៅខាងក្រោយតម្រង់ទៅកន្លែងចងក្របី។ ភ្លាមៗនោះ ខ្លួនក៏ស្រែកថា «ចោរៗ» ចំណែកជនសង្ស័យក៏បានចុចពិលរួចដើរតម្រង់មករកខ្លួន ហើយស្រែកថា «ហ្អែងចង់ងា.ប់?» បន្ទាប់មកជនសង្ស័យក៏បានដកកាំភ្លើ.ងខ្លីចេញពីក្នុងហោប៉ៅអាវបាញ់មករកខ្លួនចំនួន០១គ្រាប់តែមិនត្រូវ។ ភ្លាមៗនោះដែរ ប្អូនថ្លៃរបស់ខ្លួនឈ្មោះ ពៅ ភេទប្រុស បានដើរចូលមកជួយក៏ឃើញ ជនសង្ស័យក៏ស្រែកទៀតថា «បើអាណាចង់ងា.ប់ចូលមក» រួចជនសង្ស័យក៏បាញ់ថែម០១គ្រា.ប់ទៀតតម្រង់មកប្អូនថ្លៃខ្លួន តែមិនត្រូវដដែល។
ប្រភពដដែលបន្តទៀតថា បន្ទាប់ពីបាញ់រួចធ្វើឱ្យមានការផ្អើលឆោឡោបងប្អូនញាតិមិត្តជិតខាងស្ទុះស្ទាមកជួយអន្តរាគមន៍ រហូតប្រវា.យប្រតប់ធ្វើឱ្យជនសង្ស័យភ័យក៏នាំគ្នារត់គេចខ្លួន។ គ្រានោះជនសង្ស័យម្នាក់បានជិះម៉ូតូគេចខ្លួនបាត់ស្រមោល នៅសល់តែម្នាក់ទៀតដែលមានកាំភ្លើ.ងខ្លីបានរត់កាត់វាលស្រែ និងទម្លាក់កាំភ្លើ.ងខ្លីចោលតាមផ្លូវ តែពេលនោះបានបងប្អូនប្រជាពលរដ្ឋ និងប្រជាការពារ សហការជាមួយសមត្ថកិច្ចតាមរក រហូតចាប់ខ្លួនជនសង្ស័យបាន ហើយនាំខ្លួនយកទៅសួរនាំនៅអធិការដ្ឋាននគរបាលស្រុកសូទ្រនិគម។
បើតាមចម្លើយសារភាពនៅចំពោះមុខសមត្ថកិច្ច ជនសង្ស័យខាងលើបានឆ្លើយសារភាពថា រូបគេពិតជាបានធ្វើសកម្មភាពដោយមានបំណងចង់កាច់សោរ.កលួចម៉ូតូ និងលួចក្របីមែន តែដោយសារម្ចាស់ផ្ទះភ្ញាក់ទាន់ ក៏សម្រេចចិត្តបាញ់សម្លា.ប់តែម្ដង។ ក្រោយពីសួរចម្លើយរួច សមត្ថកិច្ចរៀបចំកសាងសំណុំរឿងបញ្ជូនខ្លួន និងវត្ថុតាង ទៅកាន់ការិយាល័យនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តសៀមរាប ហើយបញ្ជូនបន្តទៅតុលាការ ដើម្បីចាត់ការបន្ត។
ប្រភពពីសមត្ថកិច្ចបានបញ្ជាក់ទៀតថា ក្រោយឃាត់ខ្លួនជនសង្ស័យ កម្លាំងយើងបានដកហូតវត្ថុតាងរួមមាន ៖ កាំភ្លើ.ងខ្លីម៉ាក K59 ចំនួន០១ដើម និងគ្រា.ប់ចំនួន០៤គ្រាប់។ ឧបករណ៍សម្រាប់កាច់សោម៉ូតូមាន ៖ ទុលឡឺវិសចំនួន០១ដើម, កូនសោខ្សៀរលេខ៨ ចំនួន០១ដើម, សោកាច់រលាម៉ូតូចំនួន០៣ដើម, ម្ជុលខ្ទាស់ចំនួន០២ គ្រាប់ឆក់ចំនួន១៨គ្រាប់, ក្រវ៉ាសម្រាប់ឆ្កឹះគ្រាប់សោចំនួន០៩ដើម, កូនសោម៉ូតូចំនួន០២គ្រាប់ និងទូរស័ព្ទម៉ាក NOKIA (ចុចពិល) ពណ៌ខ្មៅ ចំនួន០១គ្រឿងស៊ីម២។
គួរបញ្ជាក់ថា ជនសង្ស័យត្រូវបានធ្វើតេស្តរកសារធាតុញៀ.ន ជាលទ្ធផលគឺអវិជ្ជមាន ចំណែកធ្វើតេស្តរកជំងឺកូវីដ១៩ ជាលទ្ធផលគឺអវិជ្ជមានដូចគ្នា។ ហើយជនសង្ស័យក៏មានរបួសក្បាល និងម្រាមដៃឆ្វេង (របួសស្រាល) ផងដែរ ដោយសារតែមានការប្រវា.យប្រតប់ជាមួយបងប្អូនប្រជាពលរដ្ឋ មុនពេលសមត្ថកិច្ចយើងទៅដល់។
បច្ចុប្បន្ន ជនសង្ស័យ ត្រូវបានតុលាការសម្រេចឃុំខ្លួនបណ្ដោះអាសន្នដាក់ពន្ធនាគារខេត្តសៀមរាប ចំណេកវត្ថុតាងរក្សាទុកនៅក្នុងតុលាការខេត្ត៕សហការី