(សៀមរាប) ៖ តាមព័ត៌មានបឋមមិនទាន់ដឹងពីមូលហេតុជុំវិញករណីភ្លើងឆេះព្រៃលើខ្នងភ្នំគូលែន បង្កការភ្ញាក់ផ្អើលទាំងយប់អាធ្រាត្រ បើគិតមកដល់វេលាម៉ោង៨និង៣០នាទីព្រឹកថ្ងៃទី២៦ មេសា ឆ្នាំ២០២៣ ។ នេះបើតាមប្រភពពីសមត្ថកិច្ច ។
សូមបញ្ជាក់ថា ករណីភ្លើងឆេះព្រៃលើខ្នងភ្នំគូលែននោះ បានកើតឡើងកាលពីវេលាម៉ោង២អាធ្រាត្រឈានចូលថ្ងៃទី២៦ មេសា ឆ្នាំ២០២៣ ស្ថិតនៅចំណុចខាងត្បូងស្រះដំរី ប្រហែល៣០០ម៉ែត្រ ក្នុងភូមិអន្លង់ធំ ឃុំខ្នងភ្នំ ស្រុកស្វាយលើ ខេត្តសៀមរាប ។
បើតាមប្រភពពីសមត្ថកិច្ចមូលដ្ឋានបានប្រាប់ឱ្យដឹងនៅព្រឹកថ្ងៃទី២៦ ខែមេសា ឆ្នាំ២០២៣ នេះថា ស្ថានភាពភ្លើងឆេះព្រៃ នៅលើខ្នងភ្នំគូលែន ទាំងកណ្តាលយប់អាធ្រាត្រនោះតែបន្តឆេះ ប៉ុន្តែមិនបណ្តាលឱ្យគ្រោះថ្នាក់ដល់ប្រជាពលរដ្ឋទេ ព្រោះនៅចំងាយប្រហែល៥គីឡូពីភូមិអន្លង់ធំ ឃុំខ្នងភ្នំ ស្រុកស្វាយលើ ខេត្តសៀមរាប មកដល់ពេលនេះស្ថានភាពភ្លើងកំពុងឆេះបន្ត ប៉ុន្តែកន្លែងខ្លះរលត់ហើយ កន្លែងខ្លះនៅបន្តឆេះ ។ ស្ថានភាពផ្លូវអត់មានមធ្យោបាយណាទៅដល់ឡើយ មានតែដើរថ្មើរជើងរុកព្រៃ ហើយសមត្ថកិច្ចកំពុងពិនិត្យបន្តទៀត ។សហការី
