(ភ្នំពេញ) ៖ នៅព្រឹកថ្ងៃទី២៨ ខែធ្នូ ឆ្នាំ២០២០ លោកបណ្ឌិត ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានសម្ពន្ធ័គ្រូពេទ្យសហភាពសហពន្ធ័យុវជនកម្ពុជា និងសហការី បានបន្តនាំយកបរិក្ខារពេទ្យ ដែលជាអំណោយដ៏ថ្លាថ្លារបស់ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោកជំទាវ យឹម ឆៃលីន ប្រធានកិត្តិយសសម្ព័ន្ធគ្រូពេទ្យសហភាពសហព័ន្ធយុវជនកម្ពុជា ប្រគល់ជូនទៅមន្ទីរពេទ្យអង្គឌួង ដើម្បីចូលរួមចំណែកជាមួយក្រុមគ្រូពេទ្យយើងក្នុងការការពារ ជំងឺកូវីដ១៩ ក៏ដូចជាសម្រាប់ក្រុមគ្រូពេទ្យយើងប្រើប្រាស់ក្នុងការបង្ការ និងការពារពីមេរោគដទៃទៀតផងដែរ ដែលសម្ភារៈទាំងអស់រួមមាន ៖ អាល់កុល ចំនួន ២០កាដុង ម៉ាស់ចំនួន ១ម៉ឺន ជែលចំនួន២០កេស និងសាប៊ូលាងដៃចំនួន២០កាដុង ។ ជាមួយនឹងការពាំនាំបណ្តាំសួរសុខទុក្ខ និងការថ្លែងអំណរគុណពីសំណាក់ឯកឧត្តម ហ៊ុន ម៉ានី និងលោកជំទាវ មកជូនដល់ក្រុមគ្រូពេទ្យទាំងអស់នៅមន្ទីរពេទ្យអង្គឌួង លោកបណ្ឌិត ក៏បានធ្វើការកោតសរសើរ និងវាយតម្លៃខ្ពស់ ចំពោះក្រុមគ្រូពេទ្យទាំងអស់ដែលជានិច្ចកាលបានយកអស់ចំណេះដឹង និងជំនាញធ្វើការពិនិត្យ និងព្យាបាលជូនប្រជាពលរដ្ឋខ្មែរ និងអ្នកជំងឺបរទេសទាំងអស់ប្រកបដោយប្រសិទ្ធភាព និងក្រមសីលធម៌វិជ្ជាជីវៈខ្ពស់ ទន្ទឹមនឹងនេះដែរ គឺកិច្ចសហការល្អក្នុងការងារមនុស្សធម៌របស់សម្ព័ន្ធគ្រូពេទ្យស.ស.យ.ក ។ 🙏 ជាការឆ្លើយតប លោកសាស្ត្រាចារ្យ លូ លីឃាង ប្រធានមន្ទីរពេទ្យអង្គឌួង បានផ្តាំផ្ញើរអរគុណឯកឧត្តម ហ៊ុន ម៉ានី និងលោកជំទាវ ដែលជានិច្ចកាលបានឧបត្ថម្ភគាំទ្រ និងគិតគូរពីសុខទុក្ខរបស់ក្រុមគ្រូពេទ្យយើង ហើយលោកវេជ្ជបណ្ឌិតសន្យានឹងយកអំណោយនេះប្រើប្រាស់ឲ្យបានចំទិសដៅ មិនត្រឹមតែក្នុងការបង្ការ និងការពារជំងឺ COVID-19 ប៉ុណ្ណោះទេ តែសម្រាប់បង្ការ និងការពារពីមេរោគដទៃៗទៀតផងដែរ ។
Related Articles
លោកឧត្តមសេនីយ៍ទោ ហេង វុទ្ធី ដឹកនាំកិច្ចប្រជុំបូកសរុបលទ្ធផលការងារកិច្ចប្រតិបត្តិការរក្សាសន្តិសុខសង្គម ការងារនគរបាល និងសហគមន៍ប្រចាំខែកុម្ភៈ ឆ្នាំ២០២៤ និងលើកទិសដៅអនុវត្តន៍ខែបន្ដ
Posted on Author admin
(កំពង់ចាម) ៖ នៅព្រឹកថ្ងៃចន្ទ ទី១១ ខែមីនា ឆ្នាំ២០២៤នេះ ល […]
អបអរសាទរ ពិធីបោះជំរំយុវជនខេត្តកំពង់ចាម ក្រោមប្រធានបទ “ការអភិវឌ្ឍសមត្ថភាពយុវជន ផ្នែកបច្ចេកវិទ្យា ក្រោមម្លប់សន្តិភាព”
Posted on Author rsn
(កំពង់ចាម) :នារសៀលថ្ងៃ ទី២០ ខែមករា ឆ្នាំ២០២២ ឯកឧត្តម អ៊ […]
សម្តេចមហាបវរធិបតី ហ៊ុន ម៉ាណែត អញ្ជើញទស្សនាស្តង់ពិព័រណ៍ នៃពិធីបុណ្យសមុទ្រ លើកទី១០ នៅខេត្តកែប
Posted on Author admin
(ខេត្តកែវ) ៖ នៅល្ងាច ថ្ងៃសៅរ៍ ៥រោច ខែកត្តិក ឆ្នាំថោះ បញ […]