(ភ្នំពេញ) ៖ កុមារីអាយុជិត១០ឆ្នាំម្នាក់ ត្រូវបានចរន្តអគ្គិសនីឆ.ក់ស្លា.ប់ពេលបញ្ជូនទៅសង្គ្រោះនៅមន្ទីរពេទ្យគន្ធបុប្ជា បន្ទាប់ពីកុមារីរងគ្រោះបានចុះទៅលេងទឹកនៅក្នុងអាងទឹកសួនច្បារខាងមុខផ្សារទំនើបអូឡាំព្យា កាលពីវេលាម៉ោង៧យប់ថ្ងៃទី១០ ខែឧសភា ឆ្នាំ២០២៣ ត្រង់ចំណុចខាងមុខផ្សារទំនើបអូឡាំព្យា ក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
តាមប្រភពព័ត៌មានបានឲ្យដឹងថា កន្លងមក គេតែងតែឃើញមានក្មេងៗតូចនាំគ្នាមកចុះងូតទឹកលេងនៅក្នុងអាងទឹកត្រង់ចំណុចកើតហេតុ ហើយសន្តិសុខដែលយាមនៅផ្សារទំនើបនោះតែងតែដេញពួកគេ ដោយសារតែខ្លា.ចមានបញ្ហា ព្រោះនៅខាងក្នុងអាងទឹកនោះមានបំពាក់នូវអំពូលភ្លើងនិងម៉ាស៊ីនបូមទឹកដែលប្រើដោយចរន្តអគ្គិសនី តែក្មេងទាំងនោះនៅតែមកលេងរហូត ហើយសន្តិសុខក៏បានចាប់ក្មេងទាំងនោះ និងហៅអាណាព្យាបាលមកធ្វើកិច្ចសន្យាផងដែរ ។
តាមប្រភពព័ត៌មានបានបន្តថា នៅមុនពេលកើតហេតុ គេឃើញកុមារីរងគ្រោះ និងក្មេងៗ៣ទៅ៤នាក់ទៀតបាននាំគ្នាដើរមកលួចងូតទឹកលេងនៅក្នុងអាងទឹកសួនច្បារត្រង់ចំណុចកើតហេតុទៀត។ បន្ទាប់មកក្មេងៗដែលមកលេងជាមួយកុមារីរងគ្រោះបានងូតទឹកលេងនៅខាងៗនៃអាងនោះទេ រីឯកុមារីរងគ្រោះបានចូលទៅលេងដល់កណ្តាលអាងទឹក។ ខណៈពេលនោះដែលកុមារីរងគ្រោះបានចុះទៅក្នុងទឹក ក៏ស្រាប់តែរឹងខ្លួន ហើយដួលលិចចូលទៅខាងក្នុងទឹកតែម្តង។ បន្ទាប់មកប្រជាពលរដ្ឋដែលឃើញហេតុការណ៍បានស្រែកឆោឡោបង្កឲ្យមានការភ្ញាក់ផ្អើលដល់សន្តិសុខនាំគ្នាមកធ្វើការជួយស្រង់កុមារីរងគ្រោះមកលើគោក និងបានបញ្ជូនកុមារីរងគ្រោះទៅកាន់មន្ទីរពេទ្យគន្ធបុប្ផាដើម្បីធ្វើការសង្គ្រោះ តែជាអកុសលពេលទៅដល់កុមារីរងគ្រោះបានស្លា.ប់បាត់ទៅហើយ។
បន្ទាប់មកសមត្ថកិច្ចមូលដ្ឋាននិងសមត្ថកិច្ចជំនាញកោសល្យវិច័យបានចុះធ្វើការត្រួតពិនិត្យស.ពកុមារីរងគ្រោះ និងទីតាំងកើតហេតុ រួចក៏បានរកឃើញថានៅចំណុចដែលកុមារីរងគ្រោះលេងនោះមានខ្សែភ្លើងដែលដាច់រលាត់ ហើយសមត្ថកិច្ចក៏បានឡោមព័ទ្ធកន្លែងកើតហេតុជាបណ្តោះអាសន្ន។
ក្រោយពេលកើតហេតុ សមត្ថកិច្ចជំនាញកោសល្យវិច័យបានសន្និដ្ឋានថា កុមារីរងគ្រោះបានស្លា.ប់ដោយសារចរន្តអគ្គិសនីឆ.ក់ប្រាកដមែន។ សមត្ថកិច្ចក៏បានប្រគល់ស.ពកុមារីរងគ្រោះអោយទៅក្រុមគ្រួសារយកទៅធ្វើបុណ្យទៅតាមប្រពៃណី៕សហការី