(ភ្នំពេញ) ៖ នាព្រឹកថ្ងៃទី៣០ ខែសីហា ឆ្នាំ២០២៣ឯកឧត្តម ជា សុមេធី រដ្ធមន្ដ្រីក្រសួងសង្គមកិច្ច អតីតយុទ្ធជន និងនីតិយុវសម្បទា និងលោកជំទាវ រួមជាមួយថ្នាក់ដឹកនាំ និងមន្ត្រីរាជការ បានរៀបចំធ្វើពិធីសូត្រមន្តចម្រើនព្រះបរិត្ត បណ្ដេញឧបទ្រព និងប្រោះព្រំលើករាសី នាំសិរីសួស្ដីជូនដល់ថ្នាក់ដឹកនាំ និងមន្ត្រីក្រោមឱវាទក្រសួង ទទួលបានសេចក្តីសុខសេចក្ដីចម្រេីន និងជោគជ័យគ្រប់ភារកិច្ច។
ឯកឧត្តមរដ្ធមន្ដ្រី ជា សុមេធី សូមជូនពរដល់ ឯកឧត្តម លោកជំទាវ លោកលោកស្រី ដែលជាថ្នាក់ដឹកនាំ និងមន្ត្រីរាជការនៃក្រសួងទាំងអស់ សូមទេវតាវត្ថុស័ក្ដិសិទ្ធិតាមជួយបីបាច់ថែរក្សា ឲ្យបានសេចក្តីសុខសេចក្ដីចម្រេីន និងសូមឧទ្ទិសកុសលផលបុណ្យជូនចំពោះដួងវិញ្ញាណក្ខន្ធបុព្វការីជន ដែលបានពលីជីវិតក្នុងបុព្វហេតុជាតិទាំងអស់ ជាពិសេស សូមជួយបីបាច់ថែរក្សាឲ្យប្រទេសជាតិ ទទួលបាននូវសុខសន្តិភាព និងការអភិវឌ្ឍជានិច្ចនិរន្តរតទៅ ដើម្បីប្រជាពលរដ្ឋរស់នៅ ប្រកបដោយភាពសុខសាន្តជីវភាពកាន់តែប្រសើរឡើងថែមទៀត។
