(កំពង់ចាម) នៅព្រឹកថ្ងៃទី១៣ ខែមករា ឆ្នាំ២០២១ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំមន្ត្រីជំនាញ និងអាជ្ញាធរស្រុកកំពង់សៀម អញ្ជើញចុះពិនិត្យមើលទីតាំងដីសាធារណៈរបស់រដ្ឋមួយកន្លែង ក្នុងតំបន់ “ទំនប់តាសេក” ស្ថិតនៅភូមិតាមាង ឃុំកោះរកា ស្រុកកំពង់សៀម។
ក្នុងឳកាសនោះ ឯកឧត្ដមអភិបាលខេត្ត លោកបានផ្តាំផ្ញើដល់មន្ត្រីជំនាញ និងអាជ្ញាធរពាក់ព័ន្ធ សូមបន្តរួមគ្នាការពារដីធ្លី-ត្រពាំង-បឹងបួរ ជាកម្មសិទ្ធិរបស់រដ្ឋដែលថ្នាក់ដឹកនាំយើងជំនាន់មុនៗបានរក្សាទុកដើម្បីជាប្រយោជន៍សម្រាប់កូនចៅយើងជំនាន់ក្រោយៗ។ ចៅ វង្ស