(កំពង់ចាម) ៖នៅថ្ងៃទី២៤ ខែកញ្ញា ឆ្នាំ២០២៣នេះ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម អញ្ជើញជាអធិបតីក្នុងពិធីប្រកួតកីឡាប៊ូល និងប៉េតង់ ជ្រើសរើសជើងឯកពានរង្វាន់ ឯកឧត្តម អ៊ុន ចាន់ដា អភិបាលខេត្តកំពង់ចាម ដើម្បីអបអរសាទរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅទីលានកីឡាក្រុងកំពង់ចាម។
បើតាមរបាយការណ៍របស់លោកប្រធានមន្ទីអប់រំ យុវជន និងកីឡាខេត្តកំពង់ចាម បានឱ្យដឹងថា ការប្រកួតកីឡាប៊ូល និងប៉េតង់ជ្រើសរើសពានរង្វាន់ឯកឧត្តម អ៊ុន ចាន់ដា អភិបាល អភិបាលខេត្តកំពង់ចាម មានក្រុមចូលរួមចំនួន ៤០ក្រុម ចំនួនកីឡាករសរុប ១៦០នាក់ មកពី១៣ រាជធានី/ខេត្ត ក្នុងនោះ វិញ្ញាសា ៣នាក់ទល់៣នាក់ ចំណាត់ថ្នាក់លេខ១ បានទៅលើក្លិបប៊ូល និងប៉េតង់ មន្ទីររ៉ែ និងថាមពល ខខេត្តកំពង់ធំ។ ចំណាត់ថ្នាក់លេខ២ បានទៅលើក្លិបប៊ូល និងប៉េតង់ ខេត្តកំពង់ចាម។ ចំណាត់ថ្នាក់លេខ៣ បានទៅលើក្លិបប៊ូល និងប៉េតង់ ខេត្តកំពត។
ដោយឡែក វិញ្ញាសា ២នាក់ទល់២នាក់ ចំណាត់ថ្នាក់លេខ១ បានទៅលើក្លិប ប៊ូល និងប៉េតង់ CPP ខេត្តត្បូងឃ្មុ។ ចំណាត់ថ្នាក់លេខ២ បានទៅលើក្លិប ប៊ូល និងប៉េតង់ ម្លប់ស្វាយ១ រាជធានីភ្នំពេញ។ ចំណាត់ថ្នាក់លេខ៣ បានទៅលើ ក្លិបប៊ូល និងប៉េតង់ តំបន់ប្រតិបត្តិការសឹករងខេត្តកំពង់ធំ។ ដោយឡែកក្រុមដែលមិនទទួលបានជ័យលាភីក៏ទទួលបានថវិកាឧបត្ថមសម្រាប់ការលើកទឹកចិត្តផងដែរ៕
