(សហរដ្ឋអាមេរិក)៖ រដ្ឋកាលីហ្វ័រញ៉ា បានក្លាយជារដ្ឋដំបូងគេនៅអាមេរិក ដែលបានកត់ត្រាករណីឆ្លងជំងឺ Covid-19 ជាង ៣លានករណី នេះបើយោងតាមទិន្នន័យពីសាកលវិទ្យាល័យ Johns Hopkins។
រដ្ឋដែលមានចំនួនប្រជាជនច្រើនបំផុតនៅក្នុងសហរដ្ឋអាមេរិក បានកើនឡើងរហូតដល់ទៅ៣ដងក្នុងរយៈពេលតែពីរខែចុងក្រោយនេះ ជាមួយនឹងតួលេខឆ្លងសរុប៣,០០៥,៨៣០ករណី និងមានមនុស្សស្លាប់ចំនួន ៣៣,៦២៣នាក់។
បច្ចុប្បនេះចំនួនករណីឆ្លង COVID-19 សរុបនៅទូទាំងសហរដ្ឋអាមេរិកកើនឡើងដល់ ២៤,៦២៦,៣៧៦ករណី ក្នុងនោះមាន អ្នកស្លាប់សរុបចំនួន ៤០៨,៦២០នាក់ និងជាសះស្បើយឡើងសរុបចំនួន ១៤,៥៥១,៦៨៥នាក់៕