(ព្រៃវែង) ៖ រសៀលថ្ងៃទី០២ ខែវិច្ឆិកា ឆ្នាំ២០២៣ លោក ឡាច ភីរ៉ាត់ នាយករដ្ឋបាលសាលាខេត្ត បានដឹកនាំកិច្ចប្រជុំស្តីពីការពង្រឹងការអនុវត្តតួនាទី ភារកិច្ច និងរបៀបរបបការងាររបស់មន្រ្តីរាជការសាលាខេត្តព្រៃវែង ឱ្យកាន់តែមានប្រសិទ្ធភាព។
ដោយកិច្ចប្រជុំនេះមានការអញ្ជើញចូលរួមពី៖ លោក លោកស្រី នាយករងរដ្ឋបាលសាលាខេត្ត លោកនាយកទីចាត់ការទាំង៥ និងអង្គភាពចំណុះសាលាខេត្ត ជាមួយមន្ត្រីរាជការក្រោមឱវាទ និងមន្រ្តីជាប់កិច្ចសន្យាទាំងអស់នៃរដ្ឋបាលសាលាខេត្ត។