ថ្ងៃទី០៣ ខែសីហា ឆ្នាំ២០២០
គេហទំព័រសារព័ត៌មាន រស្មីនគរ ធ្វើការផ្សាយព័ត៌មានពិតជារៀងរាល់ថ្ងៃ
លោក អន សុីនួន មេគយខេត្តកណ្ដាល ឃុបឃិតបើកដៃឲ្យមេឈ្មួញនាំចូលទំនិញគេចពន្ធ ទំនិញ​ខុសច្បាប់ មក​ស្តុក​តាម​ឃ្លាំង​នៅ​ក្រុង​តាខ្មៅ ស្រេច​តែ​អំពើ​ចិត្ត
Di,12 November 2019 (Time 06:04 )
ដោយ ៖ សហការី (ចំនួនអ្នកអាន: 802នាក់)

ប្រភពថ្មីៗនេះពី​ប្រជាពលរដ្ធ និងសមត្ថកិច្ច​ពា​ក់​ព័ន្ធ​នៅក្នុង​ខេត្តកណ្ដាល មួយចំនួន​បាន​ឲ្យ​ដឹងថា លោក អន សុីនួនប្រធានសាខាគយ និងរដ្ធាករខេត្តកណ្ដាលមកដល់​ពេលនេះ​កំពុងឃុបឃិតបើកដៃឲ្យមេ​ឈ្មួញ សុខ ថៃ (​ឧកញ៉ា សុខ ថៃ​) នៅតែ​ប​ន្តៃ​សកម្មភាព​ដឹកជញ្ជូន​ទំនិញគេចពន្ធ ទំនិញ​ខុសច្បាប់​តាម​ច្រកព្រំដែន​ខេត្តតាកែវ និង​ខេត្តកណ្ដាល ចូលមក​ស្តុក​ទុក​ក្នុង​ឃ្លាំង​ជាច្រើន​កន្លែង​នៅ​ក្រុង​តាខ្មៅ ខេត្តកណ្ដាល យ៉ាង​រលូន​។ ប្រភព​បាន​ឲ្យ​ដឹង​ទៀតថា ប្រសិនបើ​គ្មាន​ការឃុបឃិត​ពី​សំណាក់​មន្ត្រី​គយ​តាម​ច្រកព្រំដែន និង​គយ​ចល័ត​តាម​ដងផ្លូវ​ក្នុង​ខេត្តតាកែវ និង​ប្រធានសាខាគយខេត្តកណ្ដាលលោកអន សុីនួន បានជាមេ​ឈ្មួញ សុខ ថៃ មិនអាច​ដឹកទំនិញ​មកដល់​គោលដៅ​បានឡើយ​។ ប្រការនេះ​គឺជា​រឿង​ដែល​លោក គុណ ញឹម អគ្គនាយក​នៃ​អគ្គនាយកដ្ឋាន​គយ​និង​រដ្ឋាករ​កម្ពុជា មិនគួរ​មើលរំលង​តទៅទៀត​ទេ ព្រោះ​សកម្មភាព​របស់​មេ​ឈ្មួញ សុខ ថៃ ធ្វើ​ឲ្យ​រដ្ឋ​ត្រូវ​ខាតបង់​ចំណូល​ពន្ធ​យ៉ាងច្រើន​សន្ធឹកសន្ធាប់​ក្នុង​មួយខែៗ​។

​ប្រភពពី​ឈ្មួញ​មួយចំនួន​ដែល​ស្និទ្ធ​នឹង​មេ​ឈ្មួញ សុខ ថៃ បាន​ឲ្យ​ដឹងថា មួយរយៈ​ចុងក្រោយ​នេះ​មេ​ឈ្មួញ សុខ ថៃ នាំចូល​ទំនិញគេចពន្ធ ទំនិញ​ខុសច្បាប់​ពី​ច្រក​ទ្វេភាគី​បាក់ដៃ ស្រុក​អង្គរបុរី ខេត្តតាកែវ ចូលមក​ស្តុក​ទុក​ក្នុង​ឃ្លាំង​ច្រើន​កន្លែង​នៅ​ក្រុង​តាខ្មៅ ព្រោះ​មានការ​ឃុបឃិត​បើកដៃ​ពី​សំណាក់​ក្រុមមន្ត្រី​គយ​ពុករលួយ​នៅ​ខេត្តតាកែវ និង​មេគយខេត្តកណ្ដាល​។ ទន្ទឹមនឹងនេះ​មេ​ឈ្មួញ សុខ ថៃ ក៏​នាំ​ទំនិញ​ចូល​តាម​ច្រក​ជ្រៃ​ធំ ស្រុក​កោះធំ ខេត្តកណ្ដាល រួច​ដឹកជញ្ជូន​មក​ស្តុក​ទុក​ក្នុង​ឃ្លាំង​នៅ​ក្រុង​តាខ្មៅ យ៉ាង​សុខ​ស្រួល​មុនពេល​ទៅតាម​ទីផ្សារ​ក្នុង​ខេត្តកណ្ដាល ក្នុង​រាជធានី​ភ្នំពេញ និង​បណ្ដា​ខេត្ត​មួយចំនួនទៀត​។ ប្រភព​ស្និទ្ធ​នឹង​មេ​ឈ្មួញ សុខ ថៃ បាន​ឲ្យ​ដឹងថា ឈ្មួញ​រូបនេះ​ឃុបឃិត​បង់លុយ​លើ​តុ ក្រោម​តុ ឲ្យ​មន្ត្រី​គយ​តាម​ច្រកព្រំដែន ក៏ដូចជា​មន្ត្រី​គយ​ចល័ត​នៅ​ខេត្តតាកែវ និង​លោក អន សុីនួន ប្រធានសាខាគយខេត្តកណ្ដាល ទើប​ជំនួញ​របស់គេ​ក្នុងការ​នាំចូល​ទំនិញគេចពន្ធ ទំនិញ​ខុសច្បាប់​អាច​ប្រព្រឹត្ត​ទៅដោយ​រលូន​។

ប្រភពពី​មន្ត្រី​គយ​ក្នុង​ខេត្តកណ្ដាល មួយចំនួន​បាន​បង្ហើប​ឲ្យ​ដឹងថា មេ​គយ​ធំៗ​ក្នុង​ខេត្តកណ្ដាល គឺជា​បង្អែក​រឹងមាំ​របស់​មេ​ឈ្មួញ សុខ ថៃ ទើប​ឈ្មួញ​រូបនេះ​អាច​ដឹកជញ្ជូន​ទំនិញគេចពន្ធ ទំនិញ​ខុសច្បាប់ មក​ស្តុក​ទុក​នៅ​ទីតាំង​ផ្ទះ​លេខ​០៤៨ ផ្លូវ​លេខ​២១ សង្កាត់​តាខ្មៅ ក្រុង​តាខ្មៅ ខេត្តកណ្ដាល ដោយ​គ្មាន​ការរំខាន​ពីសំណាក់មន្ដ្រីគយណាឡើង។ ទីតាំង​ស្តុក​ទំនិញ​ទី​២​របស់​មេ​ឈ្មួញ សុខ ថៃ នៅតាម​ផ្លូ​លេខ​២១​បេ ភូមិ​ព្រែក​សំរោង សង្កាត់​តាខ្មៅ ក្រុង​តាខ្មៅ ខេត្តកណ្ដាលនេះ ហើយ​មិន​ដែលមាន​មន្ត្រី​គយ​ឬ​សមត្ថកិច្ច​ពាក់ព័ន្ធ​ណា​ហ៊ាន​ទៅ​ក្បែរ​ទីតាំង​ស្តុក​ទំនិញ​របស់​មេ​ឈ្មួញ សុខ ថៃ នោះឡើយ​។ ដូច្នេះហើយ​ទើប​មានការ​រិះគន់ថា មេ​គយ​ធំៗ​ក្នុង​ខេត្តកណ្ដាល ក៏ដូចជា​មន្ត្រី​គយ​ចល័ត​ខេត្តកណ្ដាល បានចាត់ទុក​មេ​ឈ្មួញ សុខ ថៃ ព្រមទាំង​បក្ខពួក​ជា​ប្រភព​ចំណូល​របស់​ពួកគេ ទើប​ឃុបឃិត​ឲ្យ​មេ​ឈ្មួញ សុខ ថៃ នាំចូល​ទំនិញគេចពន្ធ ទំនិញ​ខុសច្បាប់ មក​ស្តុក​ទុក​ក្នុង​ឃ្លាំង​២​កន្លែង​នៃ​ក្រុង​តាខ្មៅ យ៉ាង​ពេញបន្ទុកទៅហើយ៕

ព័ត៌មានគួរចាប់អារម្មណ៍

សួនសមិទ្ធផលលើវិស័យរក្សាសន្តិភាព និងសកម្មភាពមីន នឹងចាប់ផ្តើមបញ្ចុះបឋមសិលាសាងសង់ឡើងនាព្រឹកថ្ងៃទី៣ ខែសីហា ឆ្នាំ២០២០ នេះ នៅបរិវេណវិមានឈ្នះឈ្នះ (រស្មីនគរ)

ព័ត៌មានគួរចាប់អារម្មណ៍

រដ្ឋបាលរាជធានីភ្នំពេញ៖ ការប្រមូលផ្តុំតវ៉ាទាមទារឱ្យមានការដោះលែងជនត្រូវចោទ-ឃុំខ្លួននៅមុខសាលាដំបូងរាជធានីភ្នំពេញធ្វើឱ្យប៉ះពាល់យ៉ាងខ្លាំងដល់ប្រក្រតីភាពសង្គមសណ្តាប់ធ្នាប់សាធារណៈ (រស្មីនគរ)

ព័ត៌មានគួរចាប់អារម្មណ៍

ឯកឧត្តម សុខ លូ បានចុះជួបសួរសុខទុក្ខ និងនាំយកអំណោយរបស់គម្រោងចលនាភូមិថ្មី ជូនប្រជាពលរដ្ឋខ្វះខាតជាង ៣០០គ្រួសារ មកពី ៨សង្កាត់ ក្នុងក្រុងស្ទឹងសែន (រស្មីនគរ)

ព័ត៌មានគួរចាប់អារម្មណ៍

សម្តេច សាយ ឈុំ ផ្ញើសារលិខិតជូនសម្តេចតេជោ ហ៊ុន សែន ក្នុងឱកាសនៃពិធីចម្រើនជន្មាយុគម្រប់៦៩ ឈានចូល៧០ឆ្នាំ (រស្មីនគរ)

ព័ត៌មានគួរចាប់អារម្មណ៍

អភិបាលរាជធានីភ្នំពេញ ណែនាំឲ្យអាជ្ញាធរខណ្ឌនិងមន្ទីរជំនាញសម្អាតនៅលើដងមហាវិថីឈ្នះ=ឈ្នះនិងនៅមុខវិមានឈ្នះ ឈ្នះ ដើម្បីចូលរួមចំណែករក្សាអនាម័យ និងបរិស្ថានស្អាតប្រចាំ (រស្មីនគរ)

វីដែអូ

ចំនួនអ្នកទស្សនា

ថ្ងៃនេះ :
867 នាក់
ម្សិលមិញ :
895 នាក់
សប្តាហ៍នេះ :
8619 នាក់
ខែនេះ :
42196 នាក់
3 ខែនេះ :
105854 នាក់
សរុប :
344927 នាក់