ថ្ងៃអង្គារ៍ ទី២២ ខែតុលា ឆ្នាំ២០៥០
គេហទំព័រ រស្មីនគរ [ www.rsn-news.com ] | ទំនាក់ទំនងចាងហ្វាងការផ្សាយ៖ 077 66 25 27 / 016 45 22 27 / 071 21 03 777
សមត្ថកិច្ច​ និងមន្ដ្រីគយធំៗកំពង់ឃុបឃិត​ឲ្យ​ឈ្មួញ​នាំចូល​មាន់​រស់​តាម​ច្រក​តំបន់​បឹង​ត្រកួន ដើម្បី​ជា​ថ្នូរ​នឹង​អង្គុចាំទទួលផលប្រយោជន៍​!!
Tue,24 September 2019 (Time 07:57 PM)
ដោយ ៖ ព្រំ ហន (ចំនួនអ្នកអាន: 145នាក់)

ប្រភពពី​ប្រជាពលរដ្ធនិងមន្ត្រី​ពាក់ព័ន្ធ​នៅ​ច្រក​តំបន់​បឹង​ត្រកួន ស្រុក​ថ្មពួក ខេត្តបន្ទាយមានជ័យ បាន​ឲ្យ​ដឹងថា លោក ញឹក ប៊ុន​លេខ មេ​គយ​ច្រក​បឹង​ត្រកួន និង​លោក ហ៊ុយ ទូច មេ​ពេទ្យសត្វ​ខេត្តបន្ទាយមានជ័យ ឃុបឃិត​ឲ្យ​ឈ្មួញ​នាំចូល​មាន់​រស់​ពី​ស្រុក​សៀម មក​ចែកចាយ​ក្នុង​ទីផ្សារ​នៅ​ខេត្តកំពង់ស្ពឺ យ៉ាង​គឃ្លើន​។ ជាក់ស្ដែង​កាលពី​រសៀល​ថ្ងៃទី​២៣ ខែកញ្ញា ឆ្នាំ​២០១៩ សមត្ថកិច្ច​ខេត្តកំពង់ឆ្នាំង បង្ក្រាប​រថយន្ត​ធុន​តូច​និង​រថយន្ត​ធុន​ធំ​ដែល​ដឹក​ចូល​តាម​ច្រក​តំបន់​បឹង​ត្រកួន ឆ្លងកាត់​ផ្លូវជាតិ​លេខ​៥ ក្នុង​ខេត្តកំពង់ឆ្នាំង​។ ប្រភពពី​សមត្ថកិច្ច​បា​ន​ឲ្យ​ដឹងថា ការបង្ក្រាប​រថយន្ត​ធុន​តូច​និង​រថយន្ត​ធុន​ធំ​ដឹក​មាន់​រស់​ពី​ស្រុក​សៀម​នោះ គឺធ្វើឡើង​នៅ​ចំណុច​ភូមិ​ឈើ​នាគ ឃុំ​បន្ទាយ​ព្រាល ស្រុក​រលាប្អៀរ ខេត្តកំពង់ឆ្នាំង កាលពី​រសៀល​ថ្ងៃទី​២៣ ខែកញ្ញា ឆ្នាំ​២០១៩​។

​សេចក្ដីរាយការណ៍​ពី​សមត្ថកិច្ច​នគរបាល​ប្រឆាំង​បទល្មើស​សេដ្ឋកិច្ច​ក្នុង​ខេត្តកំពង់ឆ្នាំង បាន​ឃាត់​រថយន្ត​ដឹក​មាន់​រស់​មួយគ្រឿង​របស់​ក្រុមហ៊ុន​ច​ន្ធូ​មានជ័យ ដែលមាន​អ្នក​រត់ការ​ឈ្មោះ ហង្ស ជួន​ណាត ហៅ​សិលា ហើយ​មាន់​ក្នុង​រថយន្ត​នោះ​មាន​ចំនួន​១៩៤៤​ក្បាល​ចេញពី​ច្រក​បឹង​ត្រកួន ស្រុក​ថ្មពួក ខេត្តបន្ទាយមានជ័យ ឆ្លងកាត់​ផ្លូវជាតិ​លេខ​៥ ខេត្តកំពង់ឆ្នាំង ចូលទៅ​លក់​ចែកចាយ​នៅ​ខេត្តកំពង់ស្ពឺ​។ ប្រភពពី​សមត្ថកិច្ច​ពា​ក់​ព័ន្ធ​ក្នុង​ខេត្តកំពង់ឆ្នាំង បាន​ឲ្យ​ដឹងថា រថយន្ត​ដឹកជញ្ជូន​មាន់​រស់​របស់​ក្រុមហ៊ុន​ច​ន្ធូ​មានជ័យ​នោះ មិនមាន​លិខិតអនុញ្ញាត​ពី​មន្ត្រី​ជំនាញ​ពាក់ព័ន្ធ​ឡើយ ហើយ​ទាំង​រថយន្ត​និង​មាន់​ត្រូវបាន​នាំយកទៅ​រក្សាទុក​នៅ​មន្ទីរ​កសិកម្ម​កំពង់ឆ្នាំង ដើម្បី​បំពេញ​សំណុំ​ឯកសារ​សុំ​គោលការណ៍​ទៅ​ក្រសួងកសិកម្ម ចាត់វិធានការ​តាមផ្លូវ​ច្បាប់​។ តាម​ការអះអាង​របស់​សមត្ថកិច្ច​ពាក់ព័ន្ធ​ក្នុង​ខេត្តកំពង់ឆ្នាំង បាន​ឲ្យ​ដឹងថា កន្លងមក​ក្រុមហ៊ុន​ច​ន្ធូ​មានជ័យ ដែលមាន​អ្នក​រត់ការ​ឈ្មោះ ហង្ស ជួន​ណាត ហៅ​សិលា តែង​រកស៊ី​តាមរបៀប​លោតឆ័ត្រ​យ៉ាង​គឃ្លើន​។

ទាក់ទង​បញ្ហា​ខាងលើនេះ​បើតាម​ការ​បង្ហើប​ពី​មន្ត្រី​នៅ​ច្រក​តំបន់​បឹង​ត្រកួន ស្រុក​ថ្មពួក ខេត្តបន្ទាយមានជ័យ បាន​ឲ្យ​ដឹងថា ប្រសិនបើ​គ្មាន​ការឃុបឃិត​បើកដៃ​ពី​សំណាក់​លោក ញឹក ប៊ុន​លេខ មេ​គយ​ច្រក​បឹង​ត្រកួន និង​ពី​លោក ហ៊ុយ ទូច មេ​ពេទ្យសត្វ​ខេត្តបន្ទាយមានជ័យ ទេនោះ​គឺ​ក្រុមហ៊ុន​ច​ន្ធូ​មានជ័យ មិនអាច​ដឹកជញ្ជូន​មាន់​រស់​ចូល​តាម​ច្រក​បឹង​ត្រកួន​ដោយ​គ្មាន​ច្បាប់​អនុញ្ញាត​បានឡើយ​។ ជាក់ស្ដែង​រថយន្ត​ដឹក​មាន់​រស់​ពី​ស្រុក​សៀម ចូល​តាម​ច្រក​តំបន់​បឹង​ត្រកួន ឆ្លងកាត់​ខេត្តបន្ទាយមានជ័យ ខេត្តបាត់ដំបង ខេត្តពោធិ៍សាត់ ខេត្តកំពង់ឆ្នាំង ចូលទៅ​ខេត្តកំពង់ស្ពឺ ត្រូវ​សមត្ថកិច្ច​ក្នុង​ខេត្តកំពង់ឆ្នាំង បង្ក្រាប​ជា​បន្តបន្ទាប់​កាលពី​ថ្ងៃទី​២៣ ខែកញ្ញា ឆ្នាំ​២០១៩​។ ហេតុនេះ​ថ្នាក់ដឹកនាំ​ក្រសួង​ពាក់ព័ន្ធ​មិនគួរ​មើលរំលង​តទៅទៀត​ទេ ព្រោះ​មន្ត្រី​ជំនាញ​និង​សមត្ថកិច្ច​ពាក់ព័ន្ធ​នៅ​ច្រក​បឹង​ត្រកួន ស្រុក​ថ្មពួក ខេត្តបន្ទាយមានជ័យ នៅតែ​បន្ត​ឃុបឃិត​ឲ្យ​ឈ្មួញ​នាំចូល​មាន់​រស់ ជ្រូក​រស់ និង​ទំនិញគេចពន្ធ​ពី​ស្រុក​សៀម យ៉ាង​ពេញបន្ទុក​ដោយ​គ្មាន​ញញើត​អ្វី​ទាំងអស់​និងចាំ$ ទទួលផលប្រយោជន៌..៕

ព័ត៌មានគួរចាប់អារម្មណ៍

សម្ដេចតេជោ ហ៊ុន សែន៖ យើងត្រូវចូលរួមសំអាតសំរាម ដើម្បីទីក្រុងមានបរិស្ថានល្អ និងប្រទេសជាតិមានសោភ័ណភាពស្អាត (រស្មីនគរ)

ព័ត៌មានគួរចាប់អារម្មណ៍

ឯកឧត្តមរដ្ធមន្ដ្រី វេង សាខុន បានអនុញ្ញាតឲ្យលោកស្រីVeena Reddyនាយកបេសកកម្មនៃកម្មវិធី និងសន្តិសុខស្បៀង នៃអង្គការUSAlD និងសហការី ចូលជួបសម្ដែងការគួរសម (ចាន់ យ៉េន)

ព័ត៌មានគួរចាប់អារម្មណ៍

ឯកឧត្តម អ៊ុន ចាន់ដា អញ្ជើញជាអធិបតី ក្នុងវេទិកាពិគ្រោះយោបល់ស្តីពីកម្មវិធីវិនិយោគ៣ ឆ្នាំរំកិល និងសិក្ខាសាលាផ្សព្វផ្សាយ សមាហរណកម្មផែនការ ឃុំសង្កាត់ នៅថ្នាក់ ក្រុង ស្រុក សម្រាប់ឆ្នាំ ២០១៩ (ចាន់ យ៉េន)

ព័ត៌មានគួរចាប់អារម្មណ៍

លោក ឡុង ង៉ែត អភិបាលរង ខណ្ឌមានជ័យ ចុះបោះបង្គោលព្រំដីប្រឡាយ គ្មានឯកសារបង្ហសញធ្វើអោយប្រជាពលរដ្ឋ ២១គ្រួសារ ផ្ទុះការតវ៉ា (សហការី)

ព័ត៌មានគួរចាប់អារម្មណ៍

មេ​គយ​ចល័ត​នៅសាលា​ក្រហមខេត្តបន្ទាយមានជ័យ កំពុង​តែឃុបឃិតជាមួយមេឈ្មួញនាំទំនិញបានដោយសេរើ (សហការី)

វីដែអូ

ចំនួនអ្នកទស្សនា

ថ្ងៃនេះ :
1180 នាក់
ម្សិលមិញ :
1210 នាក់
សប្តាហ៍នេះ :
9605 នាក់
ខែនេះ :
42884 នាក់
3 ខែនេះ :
108604 នាក់
សរុប :
515911 នាក់