(ភ្នំពេញ) ៖នារសៀលថ្ងៃព្រហស្បតិ៍ ទី១៥ ខែធ្នូ ឆ្នាំ២០២២នេះ ឯកឧត្តម ឌិត ទីណា រដ្ធមន្ដ្រីក្រសួងកសិកម្ម រុក្ខប្រមាញ់ និងនេសាទ បានអញ្ជើញទទួលស្វាគមន៍ក្រុមការងារក្រសួងបរិស្ថានមួយក្រុមទៀត ដែលអញ្ជើញមកពិភាក្សាលេីការងារអភិរក្សធនធានធម្មជាតិ។
ក្រោយកិច្ចពិភាក្សា ឯកឧត្តមរដ្ធមន្ដ្រីក្រសួងកសិកម្ម បានដាក់ទិសដៅឱ្យមន្ត្រីរដ្ឋបាលព្រៃឈេីសិក្សាសុីជម្រៅលេីគ្រប់ទិដ្ឋភាព ទាំងច្បាប់ សេដ្ឋកិច្ច សង្គម និងនយោបាយ ដេីម្បីស្វែងរកដំណោះស្រាយរយ:ពេលវែង និងផ្តល់ជម្រេីសល្អប្រសេីរ សម្រាប់បងប្អូនដែលពឹងផ្អែកលេីព្រៃឈេីដេីម្បីជីវភាពគ្រួសារ សំដៅកាត់បន្ថយបន្ទុក និងសម្ពាធលេីធនធានធម្មជាតិដែលយេីងត្រូវថែរក្សាការពារ។
ក្រសួងកសិកម្ម រុក្ខាប្រមាញ់ និងនេសាទ ស្វាគមន៍ជានិច្ចនូវរាល់កិច្ចសហការជាមួយគ្រប់ក្រសួងស្ថាប័ន និងរដ្ឋបាលខេត្តពាក់ព័ន្ធទាំងអស់ ដេីម្បីផលប្រយោជន៍ជាតិ និងប្រជាជន។