(ភ្នំពេញ) ៖ បណ្ដាអ្នករកស៊ីដឹកជញ្ជូនទំនិញឆ្លងដែនមកពីប្រទេសវៀតណាម ភាគខាងកើតដូចជាតាមខេត្តស្វាយរៀង, ព្រៃវែងនិងត្បូងឃ្មុំដែលត្រូវនាំចូលមករាជធានីភ្នំពេញសុទ្ធតែស្គាល់លោកអ៊ួន សុវណ្ណារ៉ា មេគយចល័តតំបន់ ១ជាចាំបាច់ដោយខានមិនបាន។ គ្រប់ទំនិញទោះបីបង់ ពន្ធគ្រប់ចំនួន ឬបង់ពន្ធមិនគ្រប់ចំនួន ឬមិនបង់ពន្ធសុទ្ធតែត្រូវទាក់ទងសម្របសម្រួល យ៉ាងហោចណាស់តាមទូរសព្ទជាមួយលោកមេគយចល័តជាមុន។ ជំនួបរវាងឈ្មួញ និងមន្ត្រីគយត្រូវគេខ្សឹបខ្សៀវថា ជាប្រព័ន្ធនៃអំពើពុករលួយ។
ក្រុមអ្នករកស៊ីដឹកទំនិញពីបណ្ដាខេត្តភាគខាងកើត ចូលរាជធានីភ្នំពេញអះអាងថា តាំងពីលោក អ៊ួន សុវណ្ណារ៉ា ទទួលបាន តំណែងជាប្រធានគយចល័តតំបន់១ គឺការបង់ពន្ធត្រូវបានអនុវត្តតាមរបៀបម៉ៅការ ជាហេតុនាំឲ្យឈ្មួញទាំងនោះអាចនាំចូលទំនិញគេចពន្ធ,ទំនិញបង់ ពន្ធមិនគ្រប់និងទំនិញ ខុសច្បាប់កាន់តែច្រើនឡើងៗគ្រប់បណ្ដាខេត្តនានាចូលក្នុងទីក្រុងភ្នំពេញ។ ឈ្មួញតូច ធំ ដឹកជញ្ជូនទំនិញឆ្លងដែនមក ពីប្រទេសវៀតណាមឆ្លងកាត់ច្រកទ្វារអន្តរជាតិព្រំដែនត្រពាំងផ្លុង និងច្រកទ្វារអន្តរជាតិព្រំដែនមុឺនជ័យ ជាពិសេសមកពីច្រកទ្វារអន្តរជាតិព្រំដែនបាវិត តាមបណ្តោយផ្លូវជាតិលេខ១ ព្រមទាំងច្រកផ្សេងៗទៀត មានរថយន្តធំ ៗដឹកទំនិញពីគ្រប់បណ្ដាខេត្ត ចូលមកទីកទីក្រុងភ្នំពេញក្នុង១ថ្ងៃរាប់រយគ្រឿងនោះទេ ហើយឡានដឹកទំនិញទាំងនោះត្រូវបង់ឲ្យ មេគយចល័តតំបន់១ក្នុងរថយន្តនីមួយៗបង់ចន្លោះពី២០០ទៅ៤០០ដុល្លារឲ្យទៅមេគយចល័តតំបន់ ១ទើបចូលទីក្រុងភ្នំពេញបានដោយសុវត្ថិភាព ។
ប្រភពបានឲ្យដឹងថា ចាប់តាំងពីលោក អ៊ួន សុវណ្ណារ៉ា ត្រូវបានតែងតាំងជាប្រធានគយចល័តតំបន់មួយ រួចមកគឺមន្ត្រីគយរូបនេះប្រើតួនាទីនិងអំណាចប្រព្រឹត្តអំពើពុក រលួយយ៉ាងពេញបន្ទុកដោយគ្មានញញើតអ្វីទាំងអស់។ប្រប្រភ្លះលើកឡើងថា ដោយសារលោក អ៊ួន សុវណ្ណារ៉ា ចំណាយដើមទុនយ៉ាងច្រើនក្នុងការទទួលបានតំណែងជាប្រធានគយចល័តតតំបន់១ទើបប្រើគ្រប់វិធីដើម្បីប្រមូលលុយស្រង់ដើមវិញ។ អ្វីដែលពិសេសជាងនេះគឺទំនិញទាំងអស់មិនត្រូវបានត្រួតពិនិត្យឲ្យបានម៉ត់ចត់នោះទេពោលគឺតាមតែអ្វីដែលឈ្មួញរ៉ាយរ៉ាប់ប្រាប់តាមទូរសព្ទប៉ុណ្ណោះ។ ហេតុដូច្នេះហើយបានជាមានទំនិញ គេចពន្ធពេញផ្ទៃប្រទេស ជាពិសេសនៅក្នុងរាជធានីភ្នំពេញក៏ដូចជាទំនិញ ដែលមិនមានគុណភាពជាដើម។
ដោយសារតែអំពើពុករលួយរបស់មន្ត្រីគយ នៅតំបន់១ នេះហើយទើបគេសង្កេតឃើញ មួយរយៈចុងក្រោយនេះទំនិញគេចពន្ធទំនិញខូចគុណភាព ត្រូវបានគេរកឃើញនៅរាជធានីភ្នំពេញ។ សាច់បង្កករាប់រយតោនត្រូវបាននាំ ចូលមកពីប្រទេសវៀតណាម តាមច្រកភាគខាងកើតប្រទេសដោយសារតែការឃុបឃិតជាមួយពួកមន្ត្រីគយលោកអ៊ួន សុវណ្ណារ៉ា នេះឯង។ ហេតុនេះហើយទើបឈ្មួញធំៗ អាចនាំចូលទំនិញគេចពន្ធ ,ទំនិញបង់ពន្ធមិនគ្រប់ និងទំនិញខុសច្បាប់តាមតាមបណ្ដាលខេត្តចូលមកទីក្រុងភ្នំពេញ កាន់តែច្រើនឡើងៗហើយលោក អ៊ួន សុវណ្ណារ៉ា តែងប្រើឈ្មោះមន្ត្រីគយធំៗនៅក្នុងអគ្គនាយកដ្ឋានគយនិងរដ្ឋាករកម្ពុជាដើម្បីបិទបាំងទង្វើពុករលួយរបស់ខ្លួន៕សហការី