(ព្រៃវែង) ៖ នាព្រឹកថ្ងៃអង្គារ ទី ១៤ ខែ មករា ឆ្នាំ ២០២៥ នេះ ឯកឧត្តម សួន សុម៉ាលីន អភិបាល នៃគណ:អភិបាលខេត្តព្រវែង បានអញ្ជើញជាអធិបតី ក្នុងកិច្ចប្រជុំផ្សព្វផ្សាយខ្លឹមសារអនុសំវច្ឆរៈមហាសន្និបាតមន្រ្ទីសង្ឃទូទាំងប្រទេសលើកទី៣២ និងបូកសរុបលទ្ធផលការងារឆ្នាំ២០២៤ និងដាក់ទិសដៅបន្តឆ្នាំ២០២៥ ដែលប្រព្រឹត្តទៅនៅសាលប្រជុំធំ (A) សាលាខេត្តព្រៃវែង។
ដោយមានការនិមន្ត អញ្ជើញចូលរួមពី÷ ព្រះមេគណខេត្ត និងគណសង្ឃខេត្តទាំងពីរគណៈ ព្រះគ្រូអនុគណ និងមន្ត្រីសង្ឃក្រុង ស្រុកទាំងពីរគណៈ មន្ត្រីសង្ឃឃុំ ឯកឧត្តមរដ្ឋលេខាធិការ ក្រសួងធម្មការ និងសាសនា ឯកឧត្តម លោកជំទាវ អភិបាលរងនៃគណៈអភិបាលខេត្ត នាយក នាយករងរដ្ឋបាល នាយកទីចាត់ការសាលាខេត្ត ប្រធានមន្ទីរ អង្គភាពពាក់ព័ន្ធ អភិបាលរងស្រុកទទួលបន្ទុក ប្រធានការិយាល័យសង្គមកិច្ច និងសុខមាលភាពសង្គម ក្រុង ស្រុក មន្ត្រីមន្ទីរធម្មការ និងសាសនាខេត្ត និងលោកអាចារ្យវត្ត សរុបប្រមាណ ៥៣៥អង្គ/រូប។
នៅចុងបញ្ចប់នៃកម្មវិធី ក្នុងនាមរដ្ឋបាលខេត្តព្រៃវែង ឯកឧត្តម សួន សុម៉ាលីន អភិបាលខេត្ត បានប្រគេនបច្ច័យចំនួន ៥៣.០០០.០០០រៀល (ហាសិបបីលានរៀលគត់) ដែលជាបច្ច័យផ្ទាល់ខ្លួនរបស់ឯកឧត្តម សួន សុម៉ាលីន អភិបាលខេត្ត និងក្រុមគ្រួសារ ព្រមទាំងភាគីពាក់ព័ន្ធទាំងអស់ក្នុងខេត្ត ដើម្បីជួយទ្រទ្រង់វិស័យព្រះពុទ្ធសាសនាក្នុងខេត្តព្រៃវែង និងរួមចំណែកដល់ការអភិវឌ្ឍប្រទេសជាតិ ស្របតាមគោលនយោបាយយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ក្រោមការដឹកនាំរបស់ សម្ដេចមហាបវរអធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។
