សេចក្តីជូនដំណឹង៖
——–
ស្នងការដ្ឋាននគរបាលខេត្តបាត់ដំបងសូមជម្រាបជូនថា៖
-យោងសេចក្តីណែនាំលេខ០០៣សនណ ចុះថ្ងៃទី១៧ ខែ មករាឆ្នាំ២០២៥របស់ក្រសួងមហាផ្ទៃស្តីពីវិធានការបង្ការទប់ស្កាត់ហានិភ័យនៃការប្រេីប្រាស់ផាវនិងកាំជ្រួចផ្ទុះលម្អគ្រប់ប្រភេទ។
-សេចក្តីណែនាំលេខ០០១សណនចុះថ្ងៃទី២៣ខែ មករា ឆ្នាំ២០២៥ របស់អគ្គស្នងការដ្ឋាននគរបាលជាតិស្តីពីកិច្ចការពារសន្តិសុខសណ្តាប់ធ្នាប់សាធារណៈនិងសុវត្ថិភាពសង្គមក្នុងឱកាសបុណ្យចូលឆ្នាំថ្មីប្រពៃណីជនជាតិចិននិងវៀតណាមឆ្នាំ២០២៥។
-ផែនការលេខ០៣ផកនបខចុះថ្ងៃទី ២៤ខែ មករា ឆ្នាំ២០២៥ របស់ស្នងការដ្ឋាននគរបាលខេត្តបាត់ដំបង ស្តីពីកិច្ចការពារសន្តិសុខសណ្តាប់ធ្នាប់សាធារណៈនិងសុវត្ថិភាពសង្គមក្នុងឱកាសបុណ្យចូលឆ្នាំថ្មីប្រពៃណីជនជាតិចិននិងវៀតណាមឆ្នាំ២០២៥។
ដេីម្បីធានាបាននូវបរិយាកាសសន្តិសុខសណ្តាប់ធ្នាប់របៀបរៀបរយនិងសុវត្ថិភាពសង្គមឱ្យបានល្អក្នុងឱកាសបុណ្យចូលឆ្នាំថ្មីប្រពៃណីជនជាតិចិននិងវៀតណាមឆ្នាំ២០២៥ ដែលចូលមកដល់នាថ្ងៃខាងមុខ សូមជម្រាបជូនសាធារណជន បានជ្រាបនិងចូលរួមសហការអនុវត្តដូចខាងក្រោម៖
-មិនអនុញ្ញាតឱ្យមានការដាក់តាំងលក់ ចែកចាយ ឬដុតផាវគ្រប់ប្រភេទក្នុងឱកាសបុណ្យចូលឆ្នាំថ្មីប្រពៃណីជនជាតិចិននិងវៀតណាម។
-ត្រូវមានការប្រុងប្រយ័ត្នឱ្យបានខ្ពស់ ចំពោះការដុតទៀន ធូប ដុតក្រដាសសែន ក្នុងឱកាសថ្ងៃបុណ្យនិងត្រូវពិនិត្យមេីលភ្លេីងជេីងក្រាន កំប៉ុងឬ ធុងហ្កាស ចរន្តអគ្គិសនី ទាំងពេលកំពុងស្ថិតនៅឬមុនពេលចាកចេញពីលំនៅដ្ឋានចៀសវាងកេីតមានករណីអគ្គិភ័យជាយថាហេតុ។
-ពិនិត្យមេីលឱ្យបានហ្មត់ចត់គ្រប់ជ្រុងជ្រោយទ្វារ បង្អួច របងលំនៅដ្ឋានឬ ទីតាំងអាជីវកម្មនានា ដោយ ចាក់សោឱ្យ បានត្រឹមត្រូវមុនពេលចាកចេញ។
-ការធ្វេីដំណេីរទៅកាន់ទីជិតឬទីឆ្ងាយក្នុងឱកាសនេះ សូមចូលរួមគោរពនូវច្បាប់ចរាចរណ៍ សូមកុំបេីកបរក្រោមឥទ្ធិពលគ្រឿងស្រវឹង ឱ្យសោះ ដេីម្បីសុខសុវត្ថិភាព និងអាយុជីវិតយេីងទាំងអស់គ្នា សូមបេីកបរដោយការយោគយល់ អធ្យាស្រ័យ ។
-ចូលរួមសហការផ្តល់ព័ត៌មានមកសមត្ថកិច្ចនគរបាលដែលមានវត្តមាន នៅទីកន្លែងសាសនា ទីកន្លែងកំសាន្តសប្បាយ នានា តាមគ្រប់មធ្យោបាយ ក្នុងពេលមានបញ្ហាអសន្តិសុខណាមួយ ឬទំនាក់ទំនងមកលេខទូរស័ព្ទប្រចាំបញ្ជា២៤ម៉ោង របស់ស្នងការដ្ឋានដែលបានផ្សព្វផ្សាយជាប្រចាំ នៅក្នុងផេកហ្វេសប៊ុករបស់ស្នងការដ្ឋាន។
ស្នងការដ្ឋាននគរបាលខេត្តបាត់ដំបងមានសង្ឃឹមនិងជឿជាក់យ៉ាងមុតមាំចំពោះការចូលរួមសហការអនុវត្តពីសាធារណជននៅគ្រប់មជ្ឈដ្ឋានដោយភាតរភាពបំផុត៕24/01/2025
