(បាត់ដំបង) :កាលពីវេលាទៀបភ្លឺថ្ងៃចន្ទ២រោចខែភទ្របទឆ្នាំខាលចត្វាស័កព.ស.២៥៦៦ ឈាបចូលថ្ងៃទី ១៣ ខែកញ្ញា ឆ្នាំ២០២២ វេលាម៉ោង៥និង២០នាទីព្រឹក អនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយ៍ទោ វេ គឺមចត់ អធិការនគរបាល ស្រុកកំរៀង បានដឹកនាំកម្លាំងផ្នែកជំនាញ រួមជាមួយកម្លាំងប៉ុស្តិ៍នគរបាលរដ្ឋបាល កំរៀងព្រមទាំងកម្លាំង វរសេនាតូចនគរបាលការពារព្រំដែនគោកលេខ ៨២១ ខេត្តប៉ៃលិន បានស្ទាក់បង្រ្កាបករណីលួចនាំយកម៉ូតូចូលមកពីទឹកដីប្រទេសថៃដោយខុសច្បាប់ចំនួន០២គ្រឿងគឺម៉ាកហុងដាស៊ីភីអិច(cpx)ស៊េរីឆ្នាំ2022ពណ៌ក្រហម ០១គ្រឿងដែលមានលេខម៉ាស៊ីន5146460គ្មានស្លាកលេខនិងពណ៌សមួយគ្រឿងដែលមានលេខម៉ាស៊ីន1175646គ្មានស្លាកលេខត្រូវជនសង័្សយមិនស្គាល់អត្តសញ្ញាណលួចនាំចូលតាមច្រករបៀងមកក្នុងប្រទេសកម្ពុជានៅចំណុចភូមិឡាក់៦២ ឃុំកំរៀង ស្រុកកំរៀង ខេត្តបាត់ដំបង។
នៅពេលពើបប្រទះកម្លាំងសមត្ថកិច្ចជនសង័្សយបានរត់គេចខ្លួនបាត់តែម្តងដោយបន្សល់ទុកម៉ូតូចំនួន ០២គ្រឿង ដូចមានភិនភាគខាងលើនៅហ្នឹងកន្លែង ។
ពេលនេះម៉ូតូទាំង០២គ្រឿងសមត្ថកិច្ចនគរបាលស្រុកបានធ្វើកំណត់ហេតុប្រគល់ទៅឱ្យសមត្ថកិច្ចគយនិងរដ្ឋាករចាត់ការតាមនីតិវិធី រីឯមុខសញ្ញាលួចនំាចូលម៉ូតូនេះ សមត្ថកិច្ចនគរ បាលស្រុកកំពុងធ្វើការស្រាវជ្រាវរកអត្តសញ្ញាណហើយ៕សហការី