(ព្រៃវែង) ៖នាព្រឹកថ្ងៃទី៦ ខែធ្នូ ឆ្នាំ២០២៣នេះ ឯកឧត្តម ជា សុមេធី អភិបាលនៃគណ:អភិបាលខេត្តព្រៃវែង បានអញ្ជើញចូលជាអធិបតីជាមួយ ឯកឧត្តម យឹម ឆៃលី ឧបនាយករដ្ឋមន្ត្រី និងជាប្រធានក្រុមប្រឹក្សាស្តារអភិវឌ្ឍន៍វិស័យកសិកម្ម និងជនបទ ឯកឧត្តមសាស្រ្តចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ឯកឧត្តម លឿង ជុង យីង អនុប្រធានគណៈកម្មាធិការជាតិនៃក្រុមប្រឹក្សានយោបាយប្រជាជនសាធារណរដ្ឋប្រជាមានិតចិន និងជាប្រធានមូនិធិ GX ឯកឧត្តម វ៉ាង វិនធៀន ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិនប្រចាំកម្ពុជា និងប្រតិភូអមដំណើរ ក្នុងពិធីសម្ពោធគម្រោងមូលនិធិ ជី អេច ហ្វោនដេសិន របស់ចិន(GX Foundation) ស្តីពីគម្រោងលុបបំបាត់ភាពពិការភ្នែកដោយជំងឺភ្នែកឡើងបាយ ដើម្បីជួយព្យាបាលជំងឺភ្នែកដល់ប្រជាជនក្នុងខេត្តព្រៃវែង ដែលប្រព្រឹត្តទៅនៅសាលប្រជុំធំ(A)នៃសាលាខេត្តព្រៃវែង។
ក្នុងនាមក្រុមប្រឹក្សាខេត្ត គណៈអភិបាលខេត្ត មន្ទីរអង្គភាពជុំវិញខេត្ត អភិបាលក្រុងស្រុុក មន្ត្រីរាជការ កងកម្លាំងប្រដាប់អាវុធទាំងបី ព្រមទាំងប្រជាពលរដ្ឋក្នុងខេត្តព្រៃវែងទាំងមូល សូមសំដែងនូវគារវៈកិច្ចគោរពយ៉ាងជ្រាលជ្រៅបំផុត ចំពោះវត្តមានដ៏ថ្លៃថ្លារបស់ឯកឧត្តម យឹម ឆៃលី ឧបនាយករដ្ឋមន្ត្រី និងប្រតិភូទាំងអស់ ដែលបានឆ្លៀតឱកាសដ៏មមាញឹក និងមានតម្លៃបំផុត អញ្ជើញជាអធិបតីដ៏ខ្ពង់ខ្ពស់ ក្នុងពិធីសម្ពោធគម្រោងមូលនិធិ ជី អេច ហ្វោនដេសិន របស់ចិន(GX Foundation) នាពេលនេះ។
យេីងឯកឧត្តមអភិបាលខេត្តទាំងអស់គ្នាសូមគោរពជូនពរ ឯកឧត្តម យឹម ឆៃលី ឧបនាយករដ្ឋមន្ត្រី ព្រមទាំងប្រតិភូអមដំណើរទាំងអស់ សូមមានសុខភាពល្អបរិបូរណ៍ ប្រាជ្ញាឈ្លៀសវៃ និងទទួលបានជោគជ័យគ្រប់ភារកិច្ច។
