(កំពង់ចាម) ៖ យោងតាមព័ត៌មានក្រសួងកសិកម្ម រុក្ខាប្រមាញ់ និងនេសាទ ថ្ងៃទី២៦ ខែមេសា ឆ្នាំ២០២៣ ក្រុមការងារស្រាវជ្រាវរបស់វិទ្យាស្ថានស្រាវជ្រាវ និងអភិវឌ្ឍន៍ជលផលទឹកសាប ដែលដឹកនាំដោយលោកបណ្ឌិត ហេង គង់ ប្រធានវិទ្យាស្ថាន ដែលមានការចូលរួមពីអធិការដ្ឋានរដ្ឋបាលជលផលមេគង្គ និងខណ្ឌរដ្ឋបាលជលផលកំពង់ចាមបានចុះធ្វើកាយវិភាគវិទ្យាលើប្រភេទត្រីដែលទទួលរងពីការប្រើប្រាស់ឧបករណ៍ឆក់។ ការធ្វើកាយវិភាគវិទ្យានេះដោយពិនិត្យទៅលើសរីរៈសំខាន់ៗចំនួន៥ គឺស្ថានភាពភ្នែក ស្រកី សាច់ដុំ ឆ្អឹងខ្នង និងរូបសណ្ឋានខាងក្រៅ។