(សៀមរាប) ៖ កាលពីរសៀលថ្ងៃចន្ទ ១១រោច ខែពិសាខ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៥ ខែឧសភា ឆ្នាំ២០២៣ ថ្នាក់ដឹកនាំខេត្តសៀមរាប បានអនុញ្ញាតឱ្យប្រតិភូស្រុក Haishu ខេត្ត Zhejiang នៃសាធារណរដ្ឋប្រជាមានិតចិន ជួបសម្ដែងការគួរសម និងពិភាក្សាការងារ នៅបន្ទប់វីដេអូ Conference ដឹកនាំដោយ លោក ឃឹម ហ្វីណង់ អភិបាលរងខេត្ត តំណាង ឯកឧត្ដម ទៀ សីហា អភិបាល នៃគណៈអភិបាលខេត្តសៀមរាប និងលោក XU HONGTAO នាយករងប្រតិបត្តិ នៃរដ្ឋបាលស្រុក Haishu ខេត្ត Zhejiang នៃសាធារណរដ្ឋប្រជាមានិតចិន ដោយមានការអញ្ជេីញចូលរួមពី នាយករងរដ្ឋបាលសាលាខេត្ត នាយករងទីចាត់ការ ប្រតិភូអមដំណេីរ និងមន្ត្រីពាក់ព័ន្ធ សរុបចំនួន ១៨នាក់។
ជំនួបនេះ គឺដេីម្បីពិភាក្សាពីការធ្វើវិនិយោគនៅក្នុងប្រទេសកម្ពុជា ពិសេសខេត្តសៀមរាប និងជួយផ្សព្វផ្សាយវិស័យទេសចរណ៍របស់ខេត្តសៀមរាបដល់ប្រជាពលរដ្ឋចិននៅក្នុងស្រុកហៃស៊ូ (Haishu) ខេត្តជឺជាំង (Zhejiang ) នៃសាធារណរដ្ឋប្រជាមានិតចិន៕
