(បន្ទាយមានជ័យ) ៖ ក្រោយពីធ្វើកិច្ចសន្យា ម្ចាស់អាជីវកម្មពិឃា.តសុនខលក់ មន្ត្រីជំនាញចុះឃ្លាំមើលត្រូវបានរុះរើបញ្ឈប់ រួចចាកចេញត្រឡប់ទៅស្រុកកំណើតវិញ កាលពីថ្ងៃទី១៨ ខែឧសភា ឆ្នាំ២០២៣ ស្ថិតស្រុកព្រះនេត្រព្រះ និងស្រុកស្វាយចេក។
លខេត្តបន្ទាយមានជ័យ បានប្រាប់ថា ក្រោយពីព័ត៌មានបានផ្សព្វផ្សាយមានធ្វើអាជីវកម្មពិឃា.តសត្វសុនខ (ឆ្កែ) ចេញលក់តាមបណ្តាខេត្តក្នុង១ថ្ងៃចាប់ពី២០០ក្បាលទៅ៣០០ក្បាល ដែលមាន២ទីតាំងដោយឡែកពីគ្នា ក្នុងនោះ១កន្លែងស្ថិតភូមិតាស្រី ឃុំតាផូ ស្រុកស្វាយចេក និង១កន្លែងទៀតស្ថិតភូមិព្រីងកោង ឃុំបុស្បៅ ស្រុកព្រះនេត្រព្រះ។
លោកបានបញ្ជាក់ថា ជាការណែនាំពីឯកឧត្តម អ៊ុ រាត្រី អភិបាលខេត្តបន្ទាយមានជ័យ និងលោក ប៉ាង វណ្ណាសេដ្ឋ ប្រធានមន្ទីកសិកម្ម រុក្ខាប្រម៉ាញ់ និងនេសាទខេត្ត នៅថ្ងៃទី១៧ ខែឧសភា ឆ្នាំ២០២៣ មន្ត្រីការិយាល័យផលិតកម្ម និងបសុព្យាបាលខេត្ត បានសហការជាមួយអាជ្ញាធរភូមិ-ឃុំចុះទៅណែនាំ និងធ្វើកិច្ចសន្យាឱ្យម្ចាស់ធ្វើអាជីវកម្មពិឃា.តសត្វសុនខ (ឆ្កែ) ត្រូវបញ្ឈប់សកម្មភាពពិឃា.តសត្វសុនខ និងដើរដូរឆ្នាំងទិញ ក្នុងភូមិសាស្ត្រខេត្តបន្ទាយមានជ័យ បើស្រាវជ្រាវដឹង ឬឃើញ នឹងមានវិធានការណ៍តាមផ្លូវច្បាប់។
លោក តោ មេសា បានបញ្ជាក់ថា តាមសម្ដីអាជ្ញាធរភូមិ-ឃុំ គឺអ្នកធ្វើអាជីវកម្មពិឃា.តសត្វសុនខ (ឆ្កែ)នេះ មកធ្វើអាជីវកម្មរយៈពេលជិត១ឆ្នាំមកហើយ (ដែលលួចលាក់ធ្វើ) ខណៈមន្ត្រីជំនាញមិនបានដឹងនោះទេ ។ ហើយទីតាំងភូមិតាស្រី ឃុំតាផូ ស្រុកស្វាយចេក គឺជួលដីអនុភូមិ និងទីតាំងភូមិព្រីងកោង ឃុំបុស្បៅ ស្រុកព្រះនេត្រព្រះ ចំណែកអ្នកដែលធ្វើអាជីវកម្មពិឃា.តសុនខនេះ ក្រោយធ្វើកិច្ចសន្យាហើយ ពួកគាត់ត្រូវត្រឡប់ទៅស្រុកកំណើតវិញនៅឯខេត្តកំពង់ចាម៕សហការី
