(បាត់ដំបង) ៖ នៅរសៀលថ្ងៃទី ១៥ ខែកក្កដា ឆ្នាំ២០២៣ លោក ឈឿង គឹមសុង ប្រធានក្រុមការងារចុះមូលដ្ឋានភូមិបឹងបី ឃុំរបស់មង្គល ស្រុកមោងឫស្សី ខេត្តបាត់ដំបង លោក ទូច ហ៊ឹម ជាមេឃុំ បានដឹកនាំក្រុមការងាររួមមាន ៖ លោកអនុប្រធាន និងសមាជិកក្រុមការងារចុះមូលដ្ឋានភូមិបឹងបី ចំនួន ២៤ នាក់ ដោយមានការចូលរួមពីសំណាក់លោកប្រធានគណ:កម្មាធិការបក្សឃុំរបស់មង្គល បានអញ្ជើញចូលរួមសំណេះសំណាលជាមួយសមាជិកគណៈបក្សប្រជាជនកម្ពុជា ភូមិបឹងបី សរុបចំនួន ២០៥ នាក់ ស្រី ១៥១ នាក់ នៅក្នុងភូមិបឹងបី ឃុំរបស់មង្គល ស្រុកមោងឫស្សី ខេត្តបាត់ដំបង ។
បន្ទាប់ពីធ្វើការសំណេះសំណាលជាមួយសមាជិកបក្សរួចមក លោកប្រធានក្រុមការងារចុះមូលដ្ឋានភូមិបឹងបី ក៏បានធ្វើការណែនាំដល់សមាជិកបក្សទាំងអស់ អំពីការគូសន្លឹកឆ្នោតសាកល្បងឲ្យបានត្រឹមត្រូវតាមការកំណត់ ដើម្បីត្រៀម ក្នុងការបោះឆ្នោតគាំទ្រគណៈបក្សប្រជាជនកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន ជាប្រធាន ដែលនឹងឈានមកដល់នាពេលខាងមុខនេះ ៕ដោយព្រំ ហន