ចាប់ខ្លួនវៀតណាម១២នាក់ ក្រោយធ្វើសកម្មភាពចាប់ជំនិតជនជាតិចិនម្នាក់ នៅក្រុងបាវិត!

(ស្វាយរៀង) ៖ ក្រុមឧក្រិដ្ឋជនជាតិវៀតណាមទាំង១២នាក់ បានធ្វើសកម្មភាពចាប់បុរសជនជាតិចិនម្នាក់ឈ្មោះ Chen Yitong បញ្ចូលរថយន្តស្តារិចពណ៌ស កាលពីថ្ងៃទី២៧ ធ្នូ ២០២៤ នៅសង្កាត់និងក្រុងបាវិត ខេត្តស្វាយរៀង ។
ក្រោយមកក្រុមឧក្រិដ្ឋជន ក៏បានយកជនរងគ្រោះមកបង្ខាំងទុកនៅផ្ទះជួលមួយកន្លែងក្នុងភូមិតាពៅ សង្កាត់បាវិត ហើយក៏ត្រូវបានក្រុមនគរបាលព្រហ្មទណ្ឌក្រសួងមហាផ្ទៃបង្រ្កាបរំដោះជនរងគ្រោះនៅវេលាថ្ងៃត្រង់ម្សិលមិញ ។
បច្ចប្បន្ន ក្រុមឧក្រិដ្ឋជនឆ្លងដែនជនជាតិយួនទាំង១២នាក់ កំពុងឃុំខ្លួនក្នុងនាយកដ្ឋានព្រហ្មទណ្ឌក្រសួងមហាផ្ទៃ រង់ចាំចាត់បន្តបញ្ជូនទៅតុលាការ ៕សហការី